Delhi News : दिल्ली मद्य धोरण प्रकरणात सीबीआयच्या अटकेविरोधात मनीष सिसोदिया यांच्या जामीन अर्जावर आता २१ मार्च रोजी दुपारी २ वाजता सुनावणी होणार आहे. त्याच वेळी अंमलबजावणी संचालनालय (ईडी) देखील या प्रकरणाची चौकशी करत आहे.
ईडीने दिल्लीच्या राऊस एव्हेन्यू कोर्टात सिसोदिया यांच्या चौकशीसाठी 10 दिवसांच्या कोठडीची मागणी केली होती. मात्र न्यायालयाने मनीष सिसोदिया यांना 7 दिवसांच्या ईडी कोठडीत पाठवले आहे.
ईडीने आपल्या युक्तिवादात म्हटले की, मद्य धोरणाचा हा निर्णय मंत्रिगटाने सांगितला असला तरी एका व्यक्तीशिवाय इतर कोणालाही याची माहिती नव्हती ही वस्तुस्थिती अशी आहे.
कोर्टात आपला युक्तिवाद सादर करताना ईडीने सांगितले की विजय नायर हे संपूर्ण सिंडिकेटचे नेतृत्व करत होते. विजय नायर यांनाच के कविता भेटली होती. या संदर्भात ईडीने के कविता आणि विजय नायर यांच्यातील व्हॉट्सअॅप चॅटचा स्क्रीनशॉट सादर केला आहे. (Latest Marathi News)
न्यायालयात अंमलबजावणी संचालनालयाची (ईडी) बाजू वकील जोहेब हुसेन यांनी मांडली. आपल्या युक्तीवादात मद्य धोरण तयार करण्यामागे षडयंत्र असल्याचा दावा त्यांनी केला आहे. त्याचे नियम बदलून काही विशेष लोकांना 6% ऐवजी 12% लाभ देण्यात आला असल्याचे ते म्हणाले. सिसोदिया यांनी संबंधित डिजिटल पुरावेही नष्ट केले असा दावा देखील त्यांनी केला आहे. (Manish sisodia)
दरम्यान न्यूज एजन्सीच्या रिपोर्टनुसार मद्य धोरण प्रकरणात आणखी 7 जणांना नोटिसा पाठवण्यात आल्या असून सिसोदिया यांची समोरासमोर चौकशी केली जाऊ शकते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
