यंदाची थंडी हाडं गोठवणारी; हवामान खात्याचा इशारा

नवी दिल्ली - देशात वातावरणात गारठा वाढला असून हिवाळ्याची चाहूल लागली आहे. हिवाळा अद्याप सुरू झाला नसला तरी यंदाची थंडी हाडं गोठवणारी असणार आहे अशी माहिती ब्लूमबर्ग कडून देण्यात आली आहे. जानेवारी आणि फेब्रुवारीमध्ये थंडीचा सर्वाधिक कहर असेल, असा अंदाज देखील व्यक्त करण्यात आला आहे.

हे देखील पहा -

बर्फाचे प्रमाण आर्क्टिक समुद्रात घटल्यामुळे वायव्य आशियात थंडी पडू शकते. गेल्या वर्षी देखील अशीच स्थिती उद्भवली होती असून यंदाही जानेवारी आणि फेब्रुवारी दरम्यान देशात हाडं गोठावणारी थंडी पडू शकते, असा अंदाज ब्लूमबर्गकडून वर्तवण्यात आला आहे.दरम्यान, संबंधित जानेवारी आणि फेब्रुवारी महिन्यात दिल्लीसह देशातील किमान तापमानाचा पारा 3 अंश सेल्सिअस किंवा त्याहूनही कमी असू शकतो.

दुसरीकडे, गेल्या काही दिवसांपासून महाराष्ट्रात किमान तापमानात घट झाली असल्याचे पहायला मिळत आहे. पहाटेच्या सुमारास वातावरणात गारवा निर्माण झाला आहे. असे असले तरी मात्र, पुणेकरांना आणखी काही दिवस थंडीची प्रतीक्षा करावी लागणार आहे. पुण्यात 31.6 अंश सेल्सिअस कमाल आणि 16.2 अंश सेल्सिअस किमान तापमानाची नोंद करण्यात आली आहे.

Edited By - Shivani Tichkule