दिल्ली : बुधवारी सकाळी माहिती आणि प्रसारण मंत्रालयाचे (I&B Ministry) ट्विटर अकाउंट हॅक करण्यात आले आहे. हॅकर्सने प्रोफाईल फोटोवर 𝐄ߋߊn ᛖʋsƙ असे नाव देऊन माशाचे चित्र टाकले होते. यासोबतच गेल्या काही दिवसांत अनेक ट्विटही करण्यात आले. काही वेळाने अकाऊंट रिस्टोअर करण्यात आले आणि त्यावरील ट्विटही काढून टाकण्यात आले. (I&B Ministry Twitter account hacked)
असा तर्क लावण्यात येत आहे की, हे हॅकर्स तेच असू शकतात ज्यांनी यापूर्वी पंतप्रधान मोदींचे ट्विटर अकाउंट हॅक केले होते. कारण त्यावर तोच मजकूरमध्ये साम्य पाहायला मिळत आहे जो तेव्हा दिसला होता. यापूर्वी ICWA, IMA आदींचे ट्विटर अकाउंटही हॅक करण्यात आले होते.
सूत्रांनी स्पष्ट केलं आहे की, कदाचित पासवर्डची तडजोड झाली आहे किंवा हॅकिंगशी संबंधित लिंकवर क्लिक करण्यात आले आहे. हे खाते हाताळणाऱ्या एखाद्याने केले असावे. नंतर CERT म्हणजेच इंडियन कॉम्प्युटर इमर्जन्सी रिस्पॉन्स टीमने खाते रिस्टोर केले. खाते रिस्टोर झाल्याची माहिती आयटी मंत्रालयाच्या (IT Ministry) खात्यातून देण्यात आली. (I&B Ministry Twitter account hacked news in marathi)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
