काळजी घ्या! दिल्लीत आणखी एक मंकीपॉक्स संशयित रुग्ण; राज्यांना सतर्क राहण्याच्या सूचना

संशयित रुग्णाने बाहेरच्या देशाचा प्रवास केला आहे.रुग्णाचे नमुने पुण्यातील नॅशनल इन्स्टिट्यूट ऑफ व्हायरोलॉजी येथे पाठवण्यात आले आहेत.
Monkeypox
MonkeypoxSaam Tv

नवी दिल्ली: दिल्लीत मंकीपॉक्सचा (Monkeypox) आणखी एक संशयित रुग्ण आढळला आहे. रुग्णाला दिल्लीतील एलएनजेपी रुग्णालयात दाखल करण्यात आले आहे. त्या व्यक्तीच्या त्वचेवर पुरळ येणे आणि ताप येणे यासारखी विषाणूची लक्षणे आहेत. रुग्णाचे नमुने तपासणीसाठी पाठवण्यात आले आहेत. या रुग्णाचा अहवाल आलेला नाही. देशात मंकीपॉक्सचे एकूण चार रुग्ण समोर आली आहेत.

संशयित रुग्ण परदेशात जाऊन परत आल्याचे सांगण्यात येत आहे. रुग्णाचे नमुने पुण्यातील नॅशनल इन्स्टिट्यूट ऑफ व्हायरोलॉजी येथे पाठवण्यात आले आहेत. दिल्लीतून मंकीपॉक्सची (Monkeypox) लागण झालेल्या पहिल्या रुग्णाच्या संपर्कात आलेल्या एका व्यक्तीला त्रास होत असल्याचे सांगितले आहे. या रुग्णाला निरीक्षणाखाली ठेवण्यात आले आहे.

Monkeypox
Shivsena: पुनश्च "उठा" या आशयाचे शिवसेनेचे बॅनर सोशल मीडियावर व्हायरल

देशात आतापर्यंत मंकीपॉक्सचे (Monkeypox) चार रुग्ण सापडले आहेत. यापैकी तीन केरळमध्ये तर एक दिल्लीत सापडला आहे. दिल्लीत सापडलेला पहिला मंकीपॉक्सचा रुग्ण रुग्णालयात दाखल आहे. त्याच्या त्वचेवर आलेले पुरळ आणि जखमा बऱ्या होण्यासाठी आणखी किमान एक आठवडा लागणार असल्याचे सांगण्यात येत आहे. दुसरीकडे मंकीपॉक्स संदर्भात केंद्रीय आरोग्य मंत्रालयाने सर्व राज्यांना अलर्ट जारी केला आहे.

Monkeypox
मंकीपॉक्स प्रकरणी WHO ची मोठी घोषणा! मंकीपॉक्स जागतिक आरोग्य आणीबाणी घोषित

मंकीपॉक्स प्रकरणी WHO ची मोठी घोषणा!

गेल्या दोन वर्षांत जगभरातील बहुतेक देशांमध्ये, कोरोनाव्हायरस संसर्गाने हाहाकार माजवला आहे. अनेक देश अजूनही या विषाणूपासून मुक्त होण्याचा प्रयत्न करत आहेत. दरम्यान, त्यात्याच आता मंकीपॉक्सच्या (Monkeypox) वाढत्या प्रकरणांमुळे जगभरात चिंता वाढली आहे. मंकीपॉक्सची प्रकरणे खूप वेगाने वाढत आहेत.

जागतिक आरोग्य संघटनेने कोरोनानंतर मंकीपॉक्सला जागतिक आरोग्य आणीबाणी म्हणून घोषित केले आहे. यासोबतच WHO ने मंकीपॉक्सबाबत हाय अलर्ट जारी केला आहे. याचा अर्थ WHO आता मंकीपॉक्सचा प्रादुर्भाव जागतिक आरोग्यासाठी एक गंभीर धोका म्हणून पाहत आहे. मंकीपॉक्स व्हायरसचा प्रसार रोखण्यासाठी तात्काळ पाऊल उचलण्याची आवश्यकता आहे. 70 देशांहून अधिक ठिकाणी मंकीपॉक्सची रुग्णसंख्या जास्त आहेत. त्यातच भारतातही तीन रुग्ण आढळले आहे.

मंकीपॉक्सचा प्रादुर्भाव पाच देशांमध्ये सर्वाधिक पसरला आहे. स्पेनमध्ये सर्वाधिक 3125 लोक आहेत. यानंतर अमेरिकेत 2890, जर्मनीमध्ये 2268, ब्रिटनमध्ये 2208 आणि फ्रान्समध्ये 1567 रुग्ण आढळले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com