Mysore Accident News: मोठी बातमी! म्हैसूरमध्ये भीषण अपघात; दोन मुलांसह १० जणांचा जागीच मृत्यू

Karnataka Accident News: कर्नाटकमधून एक भीषण अपघाताची बातमी समोर आली आहे. कर्नाटकच्या म्हैसूरमध्ये कार आणि खासगी बसमध्ये हा अपघात झाला असून अपघातात दोन मुलांसह 10 जणांचा मृत्यू झाला. या अपघातात कारमधील एक जण थोडक्यात बचावला असून त्याच्यावर उपचार सुरू आहेत.

याबाबत अधिक माहिती अशी की, कर्नाटकात सोमवारी दुपारी कार आणि खासगी बसचा भीषण अपघात झाला म्हैसूरजवळील तनरसिंगपुरा येथे झालेल्या या दुर्घटनेत कारमधील १० जणांचा जागीच मृत्यू झाला, ज्यामध्ये दोन लहान मुलांचाही समावेश आहे. या भयंकर अपघाताने परिसरात एकच खळबळ उडाली आहे.

याबद्दल म्हैसूर एसपी सीमा दिलेल्या माहितीनुसार, घटनास्थळी पोलीस बचावकार्य करत आहेत. अथक परिश्रमानंतर मृतदेह गाडीतून बाहेर काढण्यात आले असून ते पोस्टमॉर्टमसाठी पाठवण्यात आले आहेत. तसेच अपघातातील जखमीला रुग्णालयात दाखल करण्यात आले आहे. (Accident News)

कालही झाला होता भीषण अपघात...

कर्नाटकात रविवारीही भीषण अपघाताची बातमी समोर आली होती. कर्नाटकातील होस्पेट जवळील दोट्टीहाळ गावाजवळ भरधाव ट्रकने कारला धडक दिल्याने हा अपघात झाला होता. या अपघातात एकूण सहा जणांचा मृत्यू झाला. या मृतांमध्ये चौघे सोलापुरातील आहे. दुर्देवी घटना रविवारी घडली. अपघातमध्ये पती-पत्नी आणि लहान मुलांचा समावेश आहे. (Latest Marathi News)