नवी दिल्ली: टोकियो ऑलिम्पिक चॅम्पियन नीरज चोप्राने (Neeraj Chopra) जागतिक अॅथलेटिक्स चॅम्पियनशिपमध्ये रौप्य पदक जिंकले आहे. नीरजने चौथ्या प्रयत्नात ८८.१३ मीटर भाला फेकला या भाल्याने त्याला रौप्य पदक मिळवून दिले आहे. या स्पर्धेचे सुवर्णपदक ग्रॅनाडा अँडरसन पीटर्सने ९०.५४ मीटर भालाफेक करून जिंकला आहे. (Neeraj Chopra Latest News)
नीरज चोप्राने (Neeraj Chopra) रौप्य पदक जिंकून इतिहास रचला. टोकियो ऑलिम्पिक चॅम्पियन नीरजने जागतिक स्पर्धेत दुसरे स्थान मिळवत रौप्य पदक जिंकले. या स्पर्धेचे सुवर्णपदक ग्रॅनडाच्या अँडरसन पीटर्सने पटकावले.
ग्रेनेडाच्या अँडरसन पीटर्सने ९०.४६ मीटर भाला फेकून सुवर्णपदक जिंकले तर झेक प्रजासत्ताकच्या याकुब वालदेशने कांस्यपदक मिळवले. भारताचा रोहित यादवने ७८. ७२ मीटरच्या सर्वोत्तम थ्रोसह १० वे स्थान मिळविले.
नीरजने (Neeraj Chopra) या स्पर्धेत पदक जिंकून एक विक्रम केला आहे. या स्पर्धेच्या इतिहासात अशी कामगिरी करणारा तो पहिला भारतीय पुरुष खेळाडू ठरला. त्याच्या आधी अनुभवी अॅथलीट अंजू बॉबी जॉर्जने २००३ मध्ये या स्पर्धेत ऐतिहासिक कांस्यपदक जिंकले होते.
नीरज चोप्राचा पहिला थ्रो फॉल होता. दुसऱ्या थ्रोमध्ये नीरजने ८२.३९ मीटर, तर तिसऱ्या थ्रोमध्ये नीरजने ८६.३७ मीटर भालाफेक केली. याशिवाय चौथ्या प्रयत्नात नीरजने ८८.१३ मीटर भालाफेक करत आपली बाजू मजबूत केली आणि दुसऱ्या क्रमांकावर पोहोचला. मात्र पाचव्या फेरीत तो अपयशी ठरला. त्याचा भालाफेक फॉल घोषित करण्यात आला. या स्पर्धेतील त्याची सर्वोत्तम कामगिरी ८८.१३ मीटर होती. दुसरे स्थान कायम राखत रौप्यपदक जिंकण्यात यश मिळवले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.