Nepal: नेपाळमधून एक धक्कादायक आणि संतापजनक प्रकार समोर आला आहे, जो ऐकून तुमच्याही पायाखालची जमीन सरकेल. नेपाळमधील डॉक्टरांनी एका तरुणाच्या पोटातून चक्क दारुची बाटली शस्त्रक्रिया करुन बाहेर काढली आहे. नूरसाद मंसूरी असे या ३५ वर्षीय युवकाचे नाव असून या धक्कादायक प्रकारानंतर भयंकर माहिती समोर आली आहे. या प्रकरणी एकाला अटक देखील करण्यात आली आहे. काय आहे हे संपूर्ण प्रकरण, चला जाणून घेवू. (Latest Marathi News)
नेपाळच्या (Nepal) रौतहाट जिल्ह्यात राहणाऱ्या नूरसाद मन्सुरी यांने पोटात दुखत असल्याचे सांगत डॉक्टरांकडे गेला होता. तपासण्या केल्यानंतर त्याच्या पोटात व्होडकाची बाटली असल्याचे समोर आले. त्यानंतर नूरसादवर शस्त्रक्रिया (operation) करुन ती बाटली बाहेर काढण्यात आली. या तरुणाला पाच दिवसांपूर्वी रुग्णालयात दाखल करण्यात आले होते.
अडीच तासांच्या यशस्वी शस्त्रक्रियेनंतर त्याच्या पोटातून बाटली बाहेर काढण्यात आली. बाटलीमुळे त्याचे आतडे फाटले होते. मात्र आता त्याच्या जीवाला कोणताही धोका नाही, अशी माहिती डॉक्टरांनी दिली आहे.
या प्रकरणात पोलिसांनी महत्वाचा खुलासा केला आहे, ज्यामध्ये त्यांनी नुरसदच्या मित्रांनी त्याला दारू पाजली आणि त्याच्या गुदाशयातून जबरदस्तीने बाटली पोटात टाकली असावी, असे नमूद केले आहे. तसेच नूरसादच्या पोटात गुदामार्गातून बाटली घातल्याचा संशय आहे, असे अहवालातही म्हटले आहे. या घटनेप्रकरणी रौतहाट पोलिसांनी शेख समीम याला अटक केली असून नुरसदच्या काही मित्रांचीही चौकशी केली आहे. या भयंकर घटनेने सर्वत्र खळबळ माजली आहे.
दरम्यान, याआधी गुजरातमध्येही अशाच प्रकारची घटना समोर आली होती. या घटनेत एका मुलाच्या पोटात स्टिलचा ग्लास घातल्याचा आरोप करण्यात आला होता...
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
