बुटवाल : नेपाळच्या (Nepal) रुपनदेही जिल्ह्यात बुटवाल मध्ये एका बसला भीषण अपघात झाल्याची धक्कादायक घटना घडली आहे. रोहिणी ग्रामीण महानगरपालिका हद्दीतील पारसी भैरहवा या रस्त्यावर असलेल्या रोहिणी पुलावरुन (Bus Accident) बस थेट नदीत कोसळली. हा अपघात रविवारी सकाळी रुपनदेहीत झाला. या भीषण अपघातात बसचा चक्काचूर होऊन (nine people dead) ९ जणांचा मृत्यू झाला आहे, तर ३२ जण जखमी झाले.
मिळालेल्या माहितीनुसार, जनकपूर येथून निघालेली बस भैरहवाकडे जात होती. त्याच दरम्यान ही बस नदीत कोसळून भीषण अपघात झाला. अपघाताची माहिती मिळताच पोलिसांनी घटनास्थळी धाव घेतली. त्यानंतर जखमींना भैरवहाच्या भीम रुग्णालयात आणि वैद्यकीय महाविद्यालयात उपचारासाठी दाखल करण्यात आले.
या अपघाताता ९ जणांचा मृत्यू झाला असून चौघांची ओळख पटली आहे. योगीकुटी येथील बिष्णू पौडेल, कलिका नगर येथील क्रिष्णा प्रसाद बसयाल, रौताहट येथील दिनेश दास तसेच ओमसातीयाचे राजेंद्र प्रसाद पांडे, अशी मृतांची नावे आहेत. मृतांमध्ये ८ पुरुषांचा आणि एक महिलेचा समावेश आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.