Noida Wall Collapsed: नोएडाच्या सेक्टर-21 मध्ये भिंत कोसळल्याने 4 जणांचा मृत्यू

ढिगाऱ्याखाली अडकलेल्या 9 जणांना बाहेर काढण्यात यश, चौकशीचे आदेश
Noida Wall Collapsed
Noida Wall CollapsedSaam Tv

नवी दिल्ली - नोएडामध्ये एक मोठी दुर्घटना घडली आहे. नोएडातील सेक्टर 21 मध्ये भिंत कोसळल्याने (Wall Collapsed) 4 जणांचा मृत्यू झाला आहे. जलवायू विहारमध्ये पॉवर हाऊससमोर ही भिंत कोसळली आहे. ढिगाऱ्याखाली अडकलेल्या 9 जणांना बाहेर काढण्यात यश आले असून त्यांना रुग्णालयात (Hospital) दाखल करण्यात आले आहे. ढिगाऱ्याखाली आणखी काही लोक अडकल्याची भीती व्यक्त करण्यात येत आहे. (Noida Wall Collapsed)

Noida Wall Collapsed
Jalgaon: ऑडिओ क्लिपनंतर पुन्हा एका पोलीस कर्मचाऱ्यांचा व्हिडिओ व्हायरल; चक्क तमाशात नाचत पैशांची ओवाळणी

भिंतीलगत नाली बनवण्याचे काम सुरू असताना अचानक भिंत कोसळल्याने हा अपघात झाला. सध्या 3 जेसीबीच्या सहाय्याने ढिगारा बाजूला करण्याचे काम सुरू आहे. ढिगाऱ्याखाली अडकलेल्या इतर लोकांचा शोध सुरू आहे.

नोएडाचे डीएम यांनी या प्रकरणी माहिती देताना सांगितले की, नोएडा सेक्टर 21 मधील जलवायू विहारजवळ ड्रेनेज दुरुस्तीच्या कामाचे कंत्राट दिले होते. मजूर विटा काढत असताना अचानक भिंत कोसळली. या घटनेची चौकशी केली जाईल. या घटनेत 4 लोकांचा मृत्यू झाला आहे.बचावकार्य सुरू असून जखमींबाबत अधिक माहिती घेतली जात आहे.

योगी आदित्यनाथ यांनी व्यक्त केले शोक

मुख्यमंत्री योगी आदित्यनाथ यांनी नोएडामध्ये भिंत कोसळल्यामुळे झालेल्या जीवितहानीबद्दल शोक व्यक्त केला आहे. त्यांनी वरिष्ठ अधिकाऱ्यांना तातडीने घटनास्थळी पोहोचून युद्धपातळीवर मदतकार्य करण्याचे निर्देश दिले आहेत. तसेच जखमींच्या उपचारासाठी योग्य व्यवस्था करण्याचे निर्देश दिले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com