लोकसभा निवडणुकांवरुन नितीश कुमार यांचं मोठं विधान; म्हणाले, 'विरोधी पक्षांना...'

बिहारमध्ये झालेल्या सत्ताबदलानंतर आता आरोप-प्रत्यारोप सुरू झाले आहेत.
Cm Nitish Kumar
Cm Nitish KumarSaam Tv

नवी दिल्ली: बिहारमध्ये (Bihar) झालेल्या सत्ताबदलानंतर आता आरोप-प्रत्यारोप सुरू झाले आहेत. आता २०२४ मध्ये होणाऱ्या निवडणुकांवरुन (Election) वेगवेगळे दावे करण्यात येत आहेत. बिहारचे मुख्यमंत्री नितीश कुमार यांनी एक मोठं वक्तव्य केले आहे. आपण आता देशातील विरोधी पक्षांना एकत्र आणण्याचे काम करणार असल्याचे विधान नितीश कुमार यांनी केले आहे. या विधानानंतर आता देशाच्या राजकारणात खळबळ उडाली आहे. जे ईडी आणि सीबीआयचा चुकीच्या पद्धतीने वापर करत आहेत, त्यांना जनता चांगलाच धडा शिकवणार आहे, असंही नितीश कुमार (Nitish Kumar) म्हणाले.

Cm Nitish Kumar
Salman Rushdie: लेखक सलमान रश्दी व्हेंटिलेटरवर; डोळे गमावण्याचा धोका

आतापर्यंत देशातील अनेक नेत्यांनी मला या संदर्भात फोन केले आहेत. मला वाटते देशातील सर्व विरोधकांनी आता एकत्र आले पाहिजे, असंही ते म्हणाले. बिहारमध्ये भाजपसोबत युती तोडून नितीश कुमार यांनी आरजेडी आणि काँग्रेससोबत जात सरकार स्थापन केले आहे.

विधानसबेत जेव्हा आमचे आमदार कमी झाले होते, तेव्हा आम्ही मुख्यमंत्रीपद घेण्यास नकार दिला होता. पण भाजपचे ऐकून आम्ही ते मान्य केले. आणि मुख्यमंत्री पद घेतले. पण हळूहळू परिस्थिती अशी आली की, आमच्यासोबत असणाऱ्या सर्व आमदारांनी एनडीएतून बाहेर पडण्याची इच्छा बोलून दाखवली, असा दावाही मुख्यमंत्री नितीश कुमार (Nitish Kumar) यांनी केला आहे.

Cm Nitish Kumar
Petrol Diesel: पेट्रोल-डिझेलचे दर वाढणार? जाणून घ्या आजचे नवीन दर

आम्ही भाजपला धोखा दिलेला नाही. आमच्या आमदारांचे मत होते बाहेर पडायचे, म्हणून आम्ही बाहेर पडलो आहे. देशाची परिस्थीती सध्या वाईट आहे. आरसीपी सिंह यांच्या संदर्भात बोलताना नितीश कुमार म्हणाले, त्यांनी काही चांगले केले नाही. आम्ही आरसीपी सिंह यांना अनेक अधिकार दिले होते. त्यांनी पक्षाच्या हिताचे काम केले नाही. मोठी गडबड केली आहे. ते फक्त माझ्यावरच बोलत असतात. आम्ही त्यांचा चांगला सन्मान केला आहे. पक्षाचे अध्यक्षपदही त्यांना दिले होते. यानंतर ते केंद्रीय मंत्री झाले. यानंतरच त्यांना आम्ही पक्षाचे अध्यक्षपद सोडायला सांगितले, असंही नितीश कुमार (Nitish Kumar) म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com