Peshawar : पाकिस्तानमधील पेशावरमध्ये एका मशिदीत मोठा स्फोट झाला. या स्फोटात अनेक जण जखमी झाले आहेत. वृत्तानुसार, जवळपास ५० नागरिक जखमी झाले आहेत. पेशावर पोलीस लाइन्स परिसरातील मशिदीत हा स्फोट झाला. स्फोटामुळं भिंत कोसळली आहे.
स्फोटानंतरच्या विदारक परिस्थितीचे फोटो, व्हिडिओ सोशल मीडियावर व्हायरल झाले आहेत. स्फोटानंतर मशिदीत एकच गोंधळ उडाल्याचे या व्हिडिओंमधून दिसून येत आहे. नागरिक एकमेकांच्या मदतीला धावून जात असल्याचे दिसते. स्थानिकांकडून जखमींना रुग्णालयात पोहोचण्याचे प्रयत्न करण्यात येत असल्याचेही पाहायला मिळते. (Pakistan News)
स्थानिक मीडियाच्या रिपोर्टनुसार, स्फोटानंतर जखमी झालेल्या नागरिकांना स्थानिकांच्या मदतीने रुग्णालयात नेण्यात येत होते. मशिदीत काही नागरिक नमाज पठण करत होते, त्याचवेळी हा भयंकर स्फोट झाल्याचे सांगण्यात येत आहे.
पेशावरच्या मशिदीत स्फोट होण्याची ही पहिलीच घटना नाही. याआधी मार्च २०२२ मध्ये मशिदीत मोठा स्फोट झाला होता. त्यात किमान ५७ नागरिकांचा मृत्यू झाला होता. तर जवळपास २०० जण जखमी झाले होते. नमाजावेळीच हा स्फोट झाला होता. मशिदीत मोठ्या संख्येने नागरिक नमाज पठणासाठी एकत्र आले होते. त्यावेळी हा स्फोट झाला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
