पाकिस्तानी खासदार मृतावस्थेत आढळले; तिसरं लग्न, तलाकमुळे होते चर्चेत

पाकिस्तानचे खासदार आमिर लियाकत हे त्यांच्या घरात मृतावस्थेत आढळल्याने खळबळ उडाली.
पाकिस्तानी खासदार मृतावस्थेत आढळले; तिसरं लग्न, तलाकमुळे होते चर्चेत
Pakistani MP Aamir Liaquat Hussain found dead Latest NewsSAAM TV

कराची: पाकिस्तानचे (Pakistan) खासदार आमिर लियाकत यांचा कराचीमध्ये मृत्यू झाला. स्थानिक वृत्तवाहिनीने त्यांच्या नोकराच्या हवाल्याने हे वृत्त प्रसिद्ध केले. कराचीमधील त्यांच्या अपार्टमेंटमध्ये ते मृतावस्थेत आढळले. हृदयविकाराच्या झटक्याने आमिर लियाकत यांचा मृत्यू झाल्याचे सांगण्यात येते.

आमिर लियाकत (Amir Liaqat Hussain) अलीकडेच दुसऱ्या पत्नीला तलाक आणि तिसऱ्या लग्नामुळे चर्चेत होते. आमिर लियाकत हे ४९ वर्षांचे होते. कराचीमध्ये १९७२ मध्ये त्यांचा जन्म झाला होता. आमिर यांचे तीन विवाह झाले होते.

दुसरी पत्नी तौबा अन्वर यांच्याशी २०१८मध्ये लग्न झाले होते. त्यांना तलाक दिल्यानंतर त्यांनी २०२२ मध्ये त्यांच्यापेक्षा वयाने लहान असलेल्या दानिया शाह यांच्याशी विवाह केला होता. लग्नाच्या काही दिवसांनी १८ वर्षीय दानिया यांनी तलाक मागितला होता.

Pakistani MP Aamir Liaquat Hussain found dead Latest News
पाकिस्तान ISI महिला एजेंटच्या जाळ्यात अडकला जवान; गुप्त माहिती दिल्याचा आरोप

आमिर लियाकत यांच्या मृत्यूचे वृत्त जियो न्यूजने अपार्टमेंटमधील नोकराच्या हवाल्याने दिले. नोकराने दिलेल्या माहितीनुसार, आमिर लियाकत यांची प्रकृती बुधवारी रात्रीपासूनच खराब होती. मात्र, रुग्णालयात जाण्यास त्यांनी नकार दिला होता.

असह्य वेदनांमुळे ते जोरात ओरडले. त्यानंतर त्यांच्याकडे धाव घेतली. मात्र, खोलीचा दरवाजा बंद होता. दरवाजा तोडल्यानंतर ते खोलीत बेशुद्धावस्थेत आढळले. त्यांना रुग्णालयात नेले असता, तिथे त्यांना मृत घोषित केले.

Pakistani MP Aamir Liaquat Hussain found dead Latest News
इम्रान खान यांच्या नावावर नवा रेकॉर्ड; 'असे' करणारे पहिले पंतप्रधान

आमिर लियाकत यांनी २०१८मध्ये इम्रान खान यांचा पक्ष पीटीआयमध्ये प्रवेश केला होता. त्यानंतर ते कराचीमधून (Karachi) खासदार म्हणून निवडून आले होते. त्यानंतर त्यांनी पक्षाचा राजीनामाही दिला होता.

पीटीआयमध्ये जाण्याच्या आधी ते मुत्ताहिदा कौमी मुव्हमेंटमध्ये होते. मात्र, २०१६मध्ये त्यांनी पक्ष सदस्यत्वाचा राजीनामा दिला होता. त्यावेळी राजकारण सोडत असल्याचे त्यांनी जाहीर केले होते. त्यानंतर २०१८मध्ये ते इम्रान खान यांच्या पक्षात गेले.

कराचीमधून ते खासदार म्हणून निवडूनही आले होते. लियाकत हे मीडिया इंडस्ट्रीमध्ये बऱ्याच वर्षांपासून होते. २००१मध्ये ते जियो टीव्हीमध्ये रुजू झाले होते.

Edited By - Nandkumar Joshi

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com