नवी दिल्ली : देशात पेट्रोल आणि डिझेलच्या दरात चढ-उतर पाहायला मिळत आहे. कच्च्या तेलाच्या किमतीत चढ-उतार झाल्यामुळे तेल कंपनीने त्यानुसार सोमवारी पेट्रोल आणि डिझेलचे दर जाहीर केले आहे. आज पेट्रोलचा दर १०० रुपयाहूंन अधिक झाला आहे. तर डिझेलचा दर ९० रुपयांहून अधिक झाला आहे. (Latest Marathi News)
आंतरराष्ट्रीय बाजारात गेल्या आठवड्यात कच्च्या तेलाच्या दरात भावात घसरण पाहायला मिळाली. ब्रेंट क्रूड ऑईलची किंमत ८३ डॉलर प्रति बॅरेल होती. आज कच्च्या तेलाच्या दरात उसळी पाहायला मिळाली. आज ऑईलची किंमत ८५ डॉलर प्रति बॅरेल पार पोहोचली आहे. डब्ल्यूटीआई क्रूड ऑईल हे ७९.२५ प्रति डॉलर प्रति बॅरेल आहे.
पेट्रोल-डिझेलच्या दराची माहिती कशी होते?
पेट्रोल-डिझेलचे दर रोज जाहीर होतात. इंडियन ऑइल कॉर्पोरेशन भारत पेट्रोलियम कॉर्पोरेशन लिमिटेड आणि हिंदुस्तान पेट्रोलियम कॉर्पोरेशन लिमिटेड या सरकारी तेल कंपन्या त्यांचे दर जाहीर करतात. या सर्व सरकारी कंपन्या सकाळी ६ वाजता पेट्रोल-डिझेलचे दर जाहीर करतात. यामध्ये केंद्र आणि राज्य सरकारकडून कर , शिपिंग खर्च आणि डिलर कमिशन समाविष्ट असते.
घरबसल्या जाणून घेऊ शकता पेट्रोल-डिझेलचे दर
तुम्ही आता घरबसल्या एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. त्यासाठी तुम्हाला आपल्या मोबाईलमधून RSP आणि आपल्या शहरातील कोड टाकून 9224992249 या क्रमांकावर मॅसेज पाठवावा लागेल.
BPCL ग्राहक RSP आणि त्यांचा शहर कोड 9223112222 या क्रमांकावर पाठवून माहिती मिळवू शकतात. HPCL ग्राहक HPP price आणि त्यांचा शहर कोड लिहून आणि 9222201122 या क्रमांकावर पाठवून किंमत जाणून घेऊ शकतात.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
