कच्च्या तेलाच्या दरात मोठी वाढ; पेट्रोल-डिझेलचे नवे दर जारी, जाणून घ्या आजचा भाव

आंतरराष्ट्रीय बाजारात कच्चा तेलाचा भाव प्रतिबॅरेल 123 डॉलरपर्यंत पोहचला.
कच्च्या तेलाच्या दरात मोठी वाढ; पेट्रोल-डिझेलचे नवे दर जारी, जाणून घ्या आजचा भाव
Petrol Diesel Latest PriceSaam tv

नवी दिल्ली : आंतरराष्ट्रीय बाजारात कच्च्या तेलाचे (Crud Oil) भाव पुन्हा एकदा वाढू लागले आहेत. बुधवारी सकाळी आंतरराष्ट्रीय बाजारात कच्चा तेलाचा भाव प्रतिबॅरेल 123 डॉलरपर्यंत पोहचला. त्यानंतर भारतीय पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात (Petrol-Diesel) कोणताही बदल करण्यात आला नसून, भाव स्थिर आहेत. (Petrol Diesel Price Today in Mumbai Maharastra)

आंतरराष्ट्रीय बाजारात कच्च्या मालाच्या वाढत्या किमतींमुळे कंपन्यांवर किरकोळ किमतीत वाढ करण्याचा दबाव दिसून येत आहे. मात्र दुसरीकडे पेट्रोल, डिझेलचे दर वाढत नसल्याने याचा मोठा फटका हा पेट्रोलियम कंपन्यांना बसताना दिसून येत आहे. सध्या भारताला रशिया, युक्रेन युद्धाच्या पार्श्वभूमीवर रशियाकडून कच्च्या तेलाच्या दरात तीस टक्के सूट देण्यात आली आहे.

याच सवलतीचा फायदा घेत रशियाकडून मोठ्या प्रमाणात कच्चे तेल आयात करण्यात येत आहे. त्यामुळे भारतात पेट्रोल आणि डिझेलचे दर स्थिर असल्याचे बोलले जात आहे. विशेष बाब म्हणजे केंद्र सरकारने मे महिन्यात पेट्रोल आणि डिझेलवरील उत्पादन शुल्क कमी केले होते. यानंतर पेट्रोलच्या दरात कमाल 9 रुपयांनी तर डिझेलच्या दरात 7 रुपयांनी स्वस्त झाले होते.

दरम्यान, सोमवारी सकाळी जारी करण्यात आलेल्या नव्या दरानुसार दिल्लीमध्ये पेट्रोलचा दर प्रति लिटर 96.72 रुपये इतका आहे. तर डिझेलचा दर प्रति लिटर 89.62 रुपये आहे. मुंबईमध्ये पेट्रोलचा दर प्रति लिटर 109.27 रुपये असून, डिझेलचा दर प्रति लिटर 97.28 रुपये एवढा आहे.

4 प्रमुख महानगरांमधील पेट्रोल-डिझेलचे दर

मुंबई - मुंबईत पेट्रोल 109.27 रुपये आणि डिझेल प्रतिलिटर 95.84 रुपयांनी विकलं जातंय.

दिल्ली - दिल्लीत पेट्रोलचा दर प्रतिलिटर 96.72 आणि डिझेलचा दर 89.62 इतका आहे.

चेन्नई - चेन्नईत पेट्रोल 102.63 रुपये प्रतिलिटर आणि डिझेल 94.24 रुपये प्रतिलिटर इतक्या दराने विकलं जातंय.

कोलकाता - कोलकत्यामध्ये पेट्रोलचा दर प्रतिलिटर 106.03 रुपये आणि डिझेल दर प्रतिलिटर 92.76 रुपये इतका आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com