Fuel Price : पेट्रोल-डिझेलच्या किमती 5 रुपयांनी कमी होऊ शकतात; काय आहे कारण?

गेल्या 10 महिन्यांमध्ये कच्च्या तेलाच्या किमतीत 35 टक्क्यांहून अधिक घसरण दिसून आली आहे.
Petrol Diesel Price
Petrol Diesel PriceSaam Tv

मुंबई : महागाईने त्रस्त नागरिकांना काहीशी दिलासादायक बातमी आहे. आंतरराष्ट्रीय बाजारात कच्च्या तेलाच्या किमतीत मोठी घसरण झाली आहे. क्रूड ऑइलच्या किमतीत 35 टक्क्यांहून अधिक घट झाली आहे. तज्ञांच्या मते, कच्च्या तेलाच्या किमती येत्या काळात आणखी खाली येण्याची शक्यता आहे. याचा परिणाम भारतात पेट्रोल आणि डिझेलच्या (Petrol-Diesel) किमतीवर होऊ शकतो. एका अंदाजानुसार, पेट्रोल आणि डिझेलच्या दरात 5 रुपयांची घसरण होऊ शकते.

गेल्या 10 महिन्यांमध्ये कच्च्या तेलाच्या किमतीत 35 टक्क्यांहून अधिक घसरण दिसून आली आहे. 7 मार्च रोजी ब्रेंट क्रूड ऑइलची किंमत प्रति बॅरल 139.13 डॉलरवर होती. जी आज प्रति बॅरल 87.81 डॉलरवर आली आहे. (Latest News Update)

Petrol Diesel Price
मोदी सरकारच्या पाच वर्षात बँकांकडून 10 लाख कोटी रुपयांचं राईट ऑफ; RTI मध्ये खुलासा

टीव्ही 9 हिंदीच्या वृत्तानुसार, IIFL चे उपाध्यक्ष अनुज गुप्ता म्हणाले की, आगामी काळात कच्च्या तेलाच्या किमतीत आणखी घसरण होऊ शकते. ही घट प्रति बॅरल 5 डॉलरपेक्षा जास्त असू शकते. यासाठी त्यांनी काही कारणे देखील दिली आहेत. एकतर जगातील मोठ्या कंपन्या वर्षाच्या अखेरीस त्यांचे जुने हेज फंड लिक्विडेट करण्याचा विचार करतात. त्यामुळे तेलाची मागणी कमी होते. तसेच अमेरिकेत स्टॉक आणि शेल्समध्ये वाढ होऊ शकते. त्यामुळे मागणीपेक्षा पुरवठाही वाढल्याने येत्या काही दिवसांत दरात घसरण होण्याची शक्यता आहे.

आणखी कारण म्हणजे चीनमध्ये कोरोनाचा फैलाव पुन्हा एकदा वाढला आहे. त्यामुळे कोविडची नवी लाट येण्याची भीती जगातील सर्व अर्थव्यवस्थांना आहे. यामुळे देखील मागणी सातत्याने कमी होत आहे. तर अलीकडेच ब्रिटनचे पंतप्रधान ऋषी सुनक म्हणाले होते की आता ते त्यांच्याच देशात कच्च्या तेलासाठी ड्रिलिंग वाढवतील. हे पाहून युरोपातील इतर देशांनीही ड्रिलिंग वाढवले ​​आहे, त्यामुळे उत्पादन वाढण्याची शक्यता वाढली आहे.

Petrol Diesel Price
Polygraph Test : पॉलिग्राफ टेस्ट म्हणजे काय? ती कशी केली जाते? जाणून घ्या सविस्तर...

भारतावर याचा काय परिणाम होईल तर आपल्या गरजेच्या 85 टक्के कच्च्या तेलाची आपण आयात करतो. आंतरराष्ट्रीय बाजारात कच्च्या तेलाच्या किमतीत घट झाल्याचा परिणाम भारतात स्पष्टपणे दिसून येईल. अनुज गुप्ता म्हणाले की, येत्या दोन आठवड्यात ब्रेंट क्रूड ऑइलची किंमत प्रति बॅरल 82 डॉलरवर आली तर देशात पेट्रोल आणि डिझेलची किंमत प्रति लिटर 5 रुपयांनी कमी होऊ शकतात.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com