चेन्नई : आज देशभरात पंतप्रधान नरेंद्र मोदी (Pm Narendra Modi) यांचा वाढदिवस साजरा होत आहे. देशभरातून त्यांना शुभेच्छा येत आहेत. भाजप कडून देशभरात वाढदिवस साजरा करण्यात येत आहे. तामिळनाडू भाजपकडूनही मोठ्या उत्साहात वाढदिवस साजरा करण्यात येत आहे. वाढदिवसानिमित्त आज जन्मणाऱ्या मुलांना सोन्याच्या अंगठ्या देण्यात येणार आहेत.
तसेच ७२० किलो मासे वाटप करण्यात येणार आहेत. मत्स्यव्यवसाय आणि माहिती आणि प्रसारण राज्यमंत्री एल मुरुगन यांनी ही घोषणा केली आहे. 'आम्ही चेन्नईतील सरकारी RSRM रुग्णालयाची निवड केली आहे. या ठिकाणी जन्मलेल्या सर्व मुलांना सोन्याच्या अंगठ्या दिल्या जाणार आहेत. अंगठी सुमारे २ ग्रॅम सोन्याची असेल, ज्याची किंमत सुमारे ५००० रुपये असू शकते, असंही ते म्हणाले.
१७ सप्टेंबर रोजी या रुग्णालयात १५ ते २० मुलांचा जन्म होऊ शकतो, त्यांंना ही अंगठी भेट म्हणून मिळणार असल्याचे सांगण्यात येत आहे. मुलांना अंगठी देऊन त्यांचे स्वागत करायचे आहे, अशी माहिती भाजपच्या (BJP) पदाधिकाऱ्यांनी दिली.
यासह दक्षिणेकडील राज्य पीएम मोदींच्या (Pm Narendra Modi) वाढदिवसानिमित्त मासे वाटणार आहेत. माशांच्या सेवनाला चालना मिळावी म्हणून माशांचे वाटप करण्यात येत असल्याचेही पदाधिकाऱ्यांनी सांगितले. वाढदिवसानिमित्त ७२० किलो माशांचे वाटप करण्यात येणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.