दिल्ली - पंजाबमधील फिरोजपूर येथे मोदींची सभा होती, या सभेला संबोधित करण्यासाठी मोदी पंजाबमध्ये दाखल झाले होते. मात्र वाटेत त्यांच्या ताफ्यापासून काही शेतकऱ्यांचं आंदोलन सुरु होतं, त्यामुळे सुरक्षेच्या कारणात्सव मोदींना (PM Modi) पुढे जाता आलं नाही. सुमारे २० मिनिटं मोदींचा ताफा एका ब्रिजवर अडकून पडला होता. ही बाब एका पंतप्रधानांच्या सुरक्षेच्या दृष्टीने अत्यंत गंभीर होती. या घटनेमुळे पंजाबचा दौरा अर्धवट सोडून मोदींना दिल्लीला जावं लागले होते. (PM Modi Breach Latest Update)
हे देखील पहा -
दरम्यान याप्रकरणी सर्वोच्च न्यायालयात (Supreme Court) याचिका दाखल करण्यात आली असून आज या प्रकरणी सुनावणी होणार आहे. आज सकाळी 10.30 वा. सर्वोच्च न्यायालयात सुनावणी होणार आहे. वरिष्ठ वकील मनिंदर सिंह (Mandira Singh) यांनी न्यायालयाच्या देखरेखीखाली चौकशीची मागणी केली आहे. सरन्यायाधीश एनव्ही रमणा आणि न्यायाधीश सूर्यकांत, हेमा कोहली या तीन न्यायाधीशांच्या पीठासमोर आजची सुनावणी होणार आहे. आजची ही सुनावणी एनजीओ लॉयर्स व्हॉईसच्या याचिकेवर होणार आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.