PM Modi Papua New Guinea Visit: जपानमधील जी-7 आणि क्वाड बैठकीनंतर पंतप्रधान नरेंद्र मोदी रविवारी पापुआ न्यू गिनी येथे पोहोचले आहेत. येथे त्यांनी फोरम फॉर इंडिया-पॅसिफिक आयलँड्स को-ऑपरेशनच्या (FIPIC) तिसऱ्या शिखर परिषदेला हजेरी लावली.
या बैठकीनंतर पंतप्रधान मोदींनी पॅसिफिक क्षेत्रातील अनेक देशांच्या नेत्यांची भेट घेऊन मैत्रीच्या दिशेने आणखी एक पाऊल टाकले आहे. जागतिक नेता म्हणून भारताच्या या पावलांसाठी पापुआ न्यू गिनी आणि फिजीच्या पंतप्रधानांनी पंतप्रधान मोदींना त्यांच्या देशाचा सर्वोच्च सन्मान - 'कम्पेनियन ऑफ द ऑर्डर ऑफ फिजी' प्रदान केला.
पॅसिफिक बेट राष्ट्रांची एकता आणि ग्लोबल साउथच्या नेतृत्वासाठी पापुआ न्यू गिनीने पंतप्रधान नरेंद्र मोदींना 'कम्पेनियन ऑफ द ऑर्डर ऑफ लोगोहू' हा पुरस्कार देऊन सन्मानित केले. पापुआ न्यू गिनीतील फार कमी अनिवासींना हा पुरस्कार देण्यात आला आहे.
याशिवाय पॅसिफिक बेट देश प्रजासत्ताक पलाऊचे अध्यक्ष सुरंगेल एस. व्हीप्स ज्युनियर यांनी पंतप्रधान मोदींना 'अबकाल पुरस्कारा'ने सन्मानित केले. दोन्ही नेत्यांची ही भेट भारत-पॅसिफिक आयलँड्स कोऑपरेशन (FIPIC) शिखर परिषदेत झाली. (Latest Marathi News)
दरम्यान, पंतप्रधान नरेंद्र मोदी पापुआ न्यू गिनी (Papua New Guinea) येथे पोहोचले तेव्हा तिथे त्यांचे भव्य स्वागत करण्यात आले. यावेळी पापुआ न्यू गिनीच्या विमानतळावर यजमान देशाचे पंतप्रधान जेम्स मारापे यांनी पंतप्रधान मोदींचे चरणस्पर्श करून स्वागत केले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
