नवी दिल्ली : गाेवा विधानसभा निवडणुकीत (goa assembly election) घवघवीत यश मिळविल्यानंतर गाेव्याच्या (goa) भाजप (bjp) पदाधिका-यांसह मुख्यमंत्री प्रमाेद सावंत (Pramod Sawant) यांनी पंतप्रधान नरेंद्र माेदी (Prime Minister Narendra Modi) यांची भेट घेतली. या भेटी दरम्यान पंतप्रधान माेदींनी यांनी भापजला पुन्हा गाेव्यात सेवेची संधी दिल्याने गाेवेकरांचे आभार मानले आहेत. दाेन्ही नेत्यांनी (narendra modi) ट्विट (tweet) करुन या भेटीची माहिती गाेवेकरांपर्यंत पाेहचवली आहे. (Goa Latest Marathi News)
गाेवा विधानसभा निवडणुकीत भारतीय जनता पक्षाने गतवेळ पेक्षा यंदा सात अधिक जागा जिंकल्या. यंदाच्या निवडणुकीत महाराष्ट्रचे माजी मुख्यमंत्री आणि विराेधी पक्ष नेते देवेंद्र फडणवीस यांनी मुख्यमंत्री प्रमाेद सावंत आणि भाजपच्या पदाधिकारी व कार्यकर्त्यासमवेत केलेल्या व्यूहरचनेमुळे २० जागांवर घवघवीत यश मिळविले. या निवडणुकीच्या निकालानंतर भाजपला सत्ता स्थापनेसाठी तीन अपक्षांचा आणि दाेन मगाेपच्या सदस्यांचा पाठींबा असल्याचे सांगण्यात येत आहे.
दरम्यान विधानसभा निवडणुकीच्या यशा नंतर प्रथमच मुख्यमंत्री प्रमाेद सावंत यांनी पंतप्रधान नरेंद्र माेदींची भेट घेत निवडणुकीतील यशाची माहिती दिली. यावेळी भाजपचे राष्ट्रीय सरचिटणीस सी.टी.रवी, गाेव्याचे प्रदेशाध्यक्ष सदानंद शेट तानावडे, भाजपचे सरचिटणीस सतीश धाेंड हे उपस्थित हाेते.
यावेळी पंतप्रधान नरेंद्र माेदी यांनी गाेव्याचे प्रदेशाध्यक्ष सदानंद शेट तानावडे आणि मुख्यमंत्री प्रमाेद सावंत यांचे अभिनंदन केले. पंतप्रधान माेदींनी गाेव्यातील जनतेने पक्षास पुन्हा राज्याची सेवा करण्याची संधी दिल्याबद्दल गाेवेकरांचे आभार मानले.
आगामी काळात गोव्याच्या प्रगतीसाठी कार्यरत राहू असे वचन ही माेदींनी गाेव्यातील जनतेस दिले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
