PM Modi Security Breach: सर्वोच्च न्यायालयाकडून चौकशीसाठी 4 सदस्यीय समिती स्थापन

पंतप्रधान नरेंद्र मोदी यांच्या सुरक्षेत त्रुटी कशा आल्या याची चौकशी करण्यासाठी सर्वोच्च न्यायालयाने समिती स्थापन करण्याची घोषणा केली आहे. पंजाबमधील सुरक्षेतील त्रुटींची चौकशी चार सदस्यीय समिती करणार आहे.
PM Modi Security Breach: सर्वोच्च न्यायालयाकडून चौकशीसाठी 4 सदस्यीय समिती स्थापन
PM Modi Security BreachSaam Tv

दिल्ली: पंतप्रधान नरेंद्र मोदी (Narendra Modi) यांच्या सुरक्षेत कोणत्या त्रुटी राहिल्या याचा तपास करण्यासाठी सर्वोच्च न्यायालयाने समिती स्थापन करण्याची घोषणा केली आहे. पंजाबमधील (Punjab) सुरक्षेतील त्रुटींची (PM Security breach) चौकशी चार सदस्यीय समिती करणार आहे. त्याचे नेतृत्व निवृत्त न्यायमूर्ती इंदू मल्होत्रा ​​करणार आहेत. यासोबतच सध्याच्या सर्व तपास समित्यांनाही सर्वोच्च न्यायालयाने (Supreme Court) स्थगिती दिली आहे.

चौकशी समितीत कोणाचा समावेश?

या समितीमध्ये निवृत्त न्यायमूर्ती इंदू मल्होत्रा, डीजी एनआयए, डीजी चंदीगड आणि पंजाबचे सुरक्षा एडीजीपी यांचा समावेश असणार आहे. न्यायालयाने आपल्या निर्णयात म्हटले आहे की, उच्च न्यायालयाच्या (High Court) रजिस्ट्रार जनरलने या प्रकरणाशी संबंधित सर्व रेकॉर्ड समितीच्या अध्यक्षा इंदू मल्होत्रा ​​यांच्याकडे सोपवावे. तसेच समितीला या प्रकरणाचा अहवाल लवकरात लवकर तयार करण्यास सांगण्यात आले आहे.

तर, सर्वोच्च न्यायालयाकडून अद्याप आपल्या आदेशात चौकशीच्या वेळेची मर्यादा निश्चित केलेली नाही. ही समिती लवकरात लवकर अहवाल देईल, असे न्यायालयाने म्हटले आहे. सुरक्षेतील त्रुटींचे मूळ कारण काय याचा अभ्यास ही समिती करणार आहे. तसेच सुरक्षा अधिक कडक करण्यासाठी इतर कोणते उपाय केले जाऊ शकतात याबद्दलही उपाय सांगणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com