शिवशाहीर बाबासाहेब पुरंदरेंच्या निधनाचं दु:ख शब्दात मांडणं कठीण - नरेंद्र मोदी

भारताच्या इतिहासाचे प्रचंड असे ज्ञान शिवशाहीर बाबासाहेब पुरंदरे यांना होते.
शिवशाहीर बाबासाहेब पुरंदरेंच्या निधनाचं दु:ख शब्दात मांडणं कठीण - नरेंद्र मोदी
शिवशाहीर बाबासाहेब पुरंदरेंच्या निधनाचं दु:ख शब्दात मांडणं कठीण - नरेंद्र मोदीtwitter

नवी दिल्ली - शिवशाहीर बाबासाहेब पुरंदरे यांचं निधन झाले आहे. बाबासाहेब पुरंदरे काही दिवसांपूर्वी घरात पडले होते त्यांच्या डोक्याला मार लागला होता, त्यानंतर दिनानाथ रुग्णालयात उपचारांसाठी दाखल करण्यात आलं होतं, तेव्हापासून त्यांची प्रकृती चिंताजनक होती. आज सकाळी ५.०७ मिनिटांनी त्यांनी अखेरचा श्वास घेतला. शिवशाहीर बाबासाहेब पुरंदरे यांना पंतप्रधान नरेंद्र मोदी यांनी ट्विटरवरून श्रद्धांजली वाहिली आहे.

बाबासाहेब पुरंदरे यांना श्रद्धांजली वाहताना पंतप्रधान नरेंद्र मोदी म्हणाले की, बाबासाहेब पुरंदरे यांच्या जाण्याने झालेले दु:ख शब्दात मांडणं माझ्यासाठी कठीण आहे. ऐतिहासिक आणि सांस्कृतिक क्षेत्रात त्यांच्या जाण्याने मोठी पोकळी निर्माण झाली आहे. त्यांच्यामुळेच येणाऱ्या पिढ्या छत्रपती शिवाजी महाराजांशी आणखी जोडल्या जातील. त्यांचे कार्य सदैव स्मरणात राहील.

तसेच या सोबत मोदींनी बाबासाहेब पुरंदरे यांच्या जन्मदिनी शुभेच्छा देत असलेला एक व्हिडिोसुद्धा ट्विट केला आहे. शिवशाहीर बाबासाहेब पुरंदरे हे हुशार, ज्ञानी होते. भारताच्या इतिहासाचे प्रचंड असे ज्ञान शिवशाहीर बाबासाहेब पुरंदरे यांना होते. त्यांच्याशी संवाद साधण्याचे भाग्य मला लाभले. काही महिन्यांपूर्वीच त्यांच्या जन्मशताब्दीच्या कार्यक्रमानिमित्त संवाद साधला असं मोदींनी ट्विट करत म्हटलं आहे.

तसेच शिवशाहीर बाबासाहेब पुरंदरे त्यांच्या कार्यातून आपल्यात जीवंत राहतील.या दु:खाच्या प्रसंगी माझे विचार त्यांच्या कुटुंबियांसोबत आणि असंख्य चाहत्यांसोबत आहेत. ओम शांती अशा शब्दांत मोदींनी शोक व्यक्त केला आहे.

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com