नागपूर : कॉंग्रेस अध्यक्षा सोनिया गांधी (Sonia Gandhi) तसेच राहुल गांधी यांना नॅशनल हेराल्ड प्रकरणी ईडीने नोटीस बजावली होती. त्यानंतर कॉंग्रेसच्या गोटातून केंद्र सरकार (central government) आणि सक्तवसुली संचनालयाविरोधात टीकेची झोड उठवण्यात आली. दुसरीकडे कॉंग्रेसच्या नेत्यांनी मोदी सरकारवर टीका करण्याचं सत्रही सुरुच ठेवलं. दरम्यान, पंतप्रधान नरेंद्र मोदी (Narendra Modi) यांच्याबाबत प्रतिक्रिया देताना नागपुरचे कॉंग्रसचे माजी शहराध्यक्ष शेख हुसेन यांची जीभ घसरली होती. या प्रकरणाची पोलिसांनी गंभीर दखल घेवून शेख यांना अटक केली. त्यानंतर शेख (Shaikh Hussain) यांची जामीनावर सुटका करण्यात आली.
मिळालेल्या माहितीनुसार, पंतप्रधान नरेंद्र मोदी यांच्या विरोधात शेख हुसेन यांनी वादग्रस्त वक्तव्य केलं होतं. काँग्रेसकडून ईडीकार्यालयासमोर मोर्चा काढण्यात आला होता. त्यावेळी अनेक नेत्यांनी भाषण केले आणि राहुल गांधी यांना इडीने पाठवलेली नोटीस चुकीची असल्याचा दावा केला. याचदरम्यान, हुसेन यांनी केलेल्या भाषणात पंतप्रधान नरेंद्र मोदी यांच्याबाबत आक्षेपार्ह वक्तव्य केलं. त्यानंतर भारतीय जनता पक्षाच्या कार्यकर्त्यांनी गिट्टीखदान पोलीस स्टेशनमध्ये तक्रार नोंदविली आणि गुन्हा दाखल करण्याची मागणी केली.
त्यानंतर पोलिसांनी शेख हुसेन यांच्या विरोधात गुन्हा दाखल केला. दरम्यान, पोलिसांनी आज शेख यांची चौकशी करुन त्यांना अटक केली. त्यानंतर शेख यांची जामीनावर सुटका करण्यात आली. याचदरम्यान पोलीस स्टेशन बाहेर काँग्रेसच्या काही कार्यकर्त्यांनी घोषणाबाजी केली. या प्रकरणावर काँग्रेस आमदार आणि शहराध्यक्ष विकास ठाकरे यांनी प्रतिक्रिया दिलीय. पोलिसांनी फक्त वादग्रस्त वक्तव्य केलं म्हणून गुन्हा दाखल केला. पण यासंदर्भात आपण पोलीस आयुक्तांकडे दाद मागणार आहोत, असं ठाकरे माध्यमांशी बोलताना म्हणाले आहेत.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.