महागाईचा आणखी एक झटका; एलपीजी गॅस सिलिंडरच्या दरात वाढ

या दरवाढमुळे आता हॉटेलमधील जेवण देखील महाग होणार आहे.
महागाईचा आणखी एक झटका; एलपीजी गॅस सिलिंडरच्या दरात वाढ
LPG Price HikeSaam Tv

नवी दिल्ली - महागाईतून दिलासा मिळण्याच्या आशेवर असलेल्या लोकांना पुन्हा एकदा झटका बसला आहे. मे महिन्याच्या सुरुवातीलाच महागाईचा आणखी एक झटका सर्वसामान्यांना बसला आहे. LPG सिलिंडरच्या (Cylinder) किंमतीत आज म्हणजेच 1 मे रोजी 100 रुपयांपेक्षा जास्त वाढ झाली आहे. प्रति सिलिंडर 104 रुपयांची वाढ करण्याचा निर्णय घेण्यात आला आहे. मात्र ही दर वाढ घरगुती गॅस सिलिंडरच्या दरात झाली नसून ती व्यावसायिक सिलिंडरच्या दरात करण्यात आली आहे.

घरगुती सिलिंडरच्या दरात सध्या कोणताही बदल करण्यात आलेला नसून दर स्थिर आहेत. गेल्या महिन्यात म्हणजे 1 एप्रिल रोजी व्यावसायिक एलपीजी सिलिंडरच्या किमती 250 रुपयांनी वाढल्या होत्या. तर आज पुन्हा एकदा व्यवसायिक सिलिंडर 104 रुपयांनी महागला आहे. नव्या दरानुसार आता व्यवसायिक सिलिंडरसाठी प्रति सिलिंडर 2,355 रुपया मोजावे लागणार आहे.

हे देखील पाहा -

19 किलोचा एलपीजी सिलिंडर महागला

IOC नुसार, आज दिल्लीत 19 किलोचा LPG सिलेंडर रिफिल करायचा असेल तर तुम्हाला 2355.50 रुपये द्यावे लागतील. 30 एप्रिलपर्यंत याच सिलेंडरसाठी 2253 रुपये मोजावे लागत होते. त्याचबरोबर कोलकात्यात 2351 ऐवजी 2455 रुपये, मुंबईत 2205 ऐवजी 2307 रुपये खर्च करावे लागणार आहेत. चेन्नई, तामिळनाडूमध्ये व्यावसायिक सिलिंडरच्या किंमती 2406 रुपयांवरून 2508 रुपयांपर्यंत वाढल्या आहेत. या दरवाढमुळे आता हॉटेलमधील जेवण देखील महाग होणार आहे.

LPG Price Hike
मनसे अध्यक्ष राज ठाकरे यांची आज सभा; काय बोलणार याकडे सर्वांचे लक्ष

1 मे रोजी घरगुती एलपीजी सिलिंडरची किंमत

मुंबई - 949.50 रु

दिल्ली - 949.50 रु

कोलकाता - 976 रु

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.