Punjab Accident: भरधाव जाणाऱ्या बसची पुलाच्या लोखंडी अँगलला धडक; ८ प्रवाशांचा मृत्यू

Punjab Bus Accident:

पंजाबमधील श्री मुक्तसार साहिब आणि वारिग गावादरम्यान प्रवासी बस कालव्यात कोसळली. या अपघात ८ प्रवाशांचा मृत्यू झाला. चालकाचं बसवरील नियंत्रण सुटल्यानं बसचा अपघात झाला आहे. अपघातग्रस्त झालेली बस श्री मुक्तसार साहिबहून निघाली होती. बस कालव्यात कोसळल्यानंतर स्थानिक नागरिकांनी प्रवाशांना पाण्यात बाहेर काढलं. बसचा अपघात झाल्यानंतर बस चालक आणि कंडक्टर घटनास्थळावरून पळून गेले. (Latest News )

ईटीव्ही भारत या वृत्तसंस्थेच्या वृत्तानुसार, अपघातग्रस्त बसचा भरधाव वेगानं येत होती. कालव्यावरील पुला जवळ आल्यानंतर बस चालकाचा वाहनावरील ताबा सुटला. त्यानंतर बस लोखंडी अँगलला धडकली. बसची धडक इतकी जोरात होती की लोखंडी अँगल तोडत बस थेट कालव्यात कोसळली. बसचा अर्धा भागत पाण्यात बुडाला तर अर्धा भाग पुलावर होता. दरम्यान अपघाताची माहिती होताच स्थानिक लोक घटनास्थळी पोहोचले. त्यांनी जखमी प्रवाशांना जवळील रुग्णालयात दाखल केलं.

त्यानंतर पोलिसांना अपघाताची माहिती देण्यात आली. प्राथमिक माहितीनुसार, ८ प्रवाशांचा मृत्यू झाल्याची माहिती मिळालीय. दरम्यान काही वर्षापूर्वी याच पुलावर पंजाब रोडवेज श्री मुक्तसार साहिबची बसचा अपघात झाला होता. त्यावेळी लहान मुलांसह ८० प्रवाशांचा मृत्यू झाला होता. दरम्यान मुख्यमंत्री मान यांनी अपघात झाल्यानंतर एक्सवर पोस्ट दु:ख व्यक्त केलंय.

घटनास्थळी प्रशासनाचे पथक घटनास्थळी दाखल झाले असून मदत कार्य करत आहेत. तसेच घटनेची माहिती मिळाल्यानंतर पंजाब सरकारमधील मंत्री गुरमीत सिंग खुडियान आणि आमदार काका ब्रार हे घटनास्थळी पोहोचले. जखमींची त्यांनी भेट घेतली असून त्याच्यावर योग्य उपचार करावीत अशा सूचना त्यांनी डॉक्टरांनी दिल्या आहेत.