Shivsena Political Crisis: एकनाथ शिंदेसह बंडखोर आमदारांनी गुजरातमधील मुक्काम हलवला; गुहावाटीत दाखल
Eknath Shinde News, Shivsena NewsSaam TV

Shivsena Political Crisis: एकनाथ शिंदेसह बंडखोर आमदारांनी गुजरातमधील मुक्काम हलवला; गुहावाटीत दाखल

'शिवसेनाप्रमुख बाळासाहेब ठाकरे यांचं हिंदुत्व पुढं घेऊन जाणार, माझा गट हीच खरी शिवसेना'

गुहावाटी : शिवसेनेसह राज्यातील आघाडी सरकारविरोधात बंड पुकारणारे एकनाथ शिंदे यांनी आपला गुजरातमधील मुक्काम आता आसामला हलवला आहे. कालपासासून राज्याच्या राजकारणात खळबळ उडवणारे शिवसेना (Shivsena) नेते तथा राज्याचे नगरविकास मंत्री एकनाथ शिंदे (Eknath Shinde) हे आता गुजरातमधील हॉटेलमधून आपल्यासोबतच्या सर्व बंडखोर आमदारांना घेऊन आज सकाळी ७ वाजता गुहावाटी (Guwahati) येथे पोहचले आहेत. (Eknath Shinde News in Marathi)

यावेळी शिंदे आणि आमदारांना (MLA) नेण्यासाठी आसाम स्टेट ट्रान्सपोर्टच्या बस सज्ज ठेवण्यात आल्या होत्या. दरम्यान, आसाम विमानतळावरती एकनाथ शिंदे यांनी माध्यमांशी संवाद साधला यावेळी त्यांनी आपण शिवसेनाप्रमुख बाळासाहेब ठाकरे (Balasaheb Thackeray) यांचं हिंदुत्व पुढं घेऊन जाणार आहोत असं सांगितलं आहे.

खरी शिवसेना कोणाची ?

तसंच माझ्यासोबत ४० आमदार असून इतर १० आमदारांचा पाठिंबा देखील मिळणार असल्याचं सांगितलं आहे. शिवाय आमचा गट हीच खरी शिवसेना असल्याचा दावा देखील शिंदे यांनी केला आहे.

पाहा व्हिडीओ -

शिंदे यांनी आपला मुक्काम हलवल्यामुळे राजकीय तर्कवितर्क लढवले जात आहेत. एकीकडे आमच्या शिवसेनेने असे अनेक बंड पचविल्याचा दावा मातोश्री समर्थक शिवसेना नेते म्हणत आहेत. तर आता आमचा गट हीच खरी शिवसेना असल्याचा दावा शिंदे यांनी केला आहे. त्यामुळे राज्यभरातील आणि विशेषत: मुंबईमधील शिवसैनिकांना आता कोणाचं हिंदुत्व भावणार आणि कोणत्या शिवसेनेच्या कोणत्या गटाला ते पाठिंबा देणार हे पाहणं महत्वाचं आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com