पेन्शनधारकांना मोठा दिलासा! EPFO ने 'लाइफ सर्टिफिकेट' सादर करणे केले सोपे
नवी दिल्ली: कर्मचारी भविष्य निर्वाह निधी संघटना वेळोवेळी पेन्शनधारकांच्या सोयीसाठी पावले उचलत असते. आता EPFO ने पेन्शनधारकांना जीवन प्रमाणपत्र (Life Certificate) सादर करण्यासाठी मोठा दिलासा दिला आहे. आता पेन्शनधारक कधीही जीवन प्रमाणपत्र सादर करू शकतात. विशेष बाब म्हणजे जेव्हा ते प्रमाणपत्र सादर करतील तेव्हा ते त्या तारखेपासून एक वर्षासाठी ते प्रमाणपत्र वैध असेल. (EPFO updates)
EPFO ने त्यांच्या अधिकृत ट्विटर हँडलवर माहिती दिली आहे की EPS'95 पेन्शनधारक आता कधीही जीवन प्रमाणपत्र सादर करू शकतात, जे त्यांनी सादर केलेल्या तारखेपासून 1 वर्षासाठी वैध मानले जाईल. पेन्शनधारकांना त्यांची पेन्शन मिळण्यासाठी त्यांचे जीवन प्रमाणपत्र सादर करावे लागणार आहे. पेन्शन घेणारी व्यक्ती जिवंत आहे की मरण पावली आहे हे जीवन प्रमाणपत्र दाखवते. पेन्शनधारक त्यांच्या जवळच्या कॉमन सर्व्हिस सेंटरला भेट देऊन त्यांचे जीवन प्रमाणपत्र सादर करू शकतात. याशिवाय बँक आणि पोस्ट ऑफिसमध्येही ते जमा करता येणार आहे.
जीवन प्रमाणपत्र ऑनलाइन सबमिट करण्यासाठी, प्रथमच, पेन्शनधारकांना बँक, पोस्ट ऑफिस किंवा इतर कोणत्याही सरकारी एजन्सीद्वारे चालवल्या जाणार्या जीवन प्रमाण केंद्राद्वारे डिजिटल जीवन प्रमाणपत्रासाठी नोंदणी करावी लागणार आहे. या नोंदणीमध्ये पेन्शनधारकांचे आधार आणि बायोमेट्रिकद्वारे एक युनिक आयडी तयार केला जाईल. हा आयडी तयार झाल्यानंतर, पेन्शनधारक पेन्शन वितरण बँक, उमंग अॅप किंवा कॉमन सर्व्हिस सेंटरद्वारे जीवन प्रमाणपत्र ऑनलाइन सबमिट करू शकतात. याशिवाय निवृत्तीवेतनधारक हा आयडी तयार झाल्यानंतर https://jeevanpramaan.gov.in या पोर्टलला भेट देऊन जीवन प्रमाणपत्र डिजिटल पद्धतीने सबमिट करू शकतात.
जीवन प्रमाणपत्र सादर करणे आवश्यक
जीवन प्रमाणपत्र हा निवृत्तीवेतनधारक जिवंत असल्याचा पुरावा आहे. जमा न केल्यास पेन्शन थांबवता येणार आहे. जर निवृत्तीवेतनधारक पुन्हा नोकरीवर असेल किंवा निवृत्ती वेतन धारकाने पुनर्विवाह केला असेल, तर जीवन प्रमाणपत्र फिजीकल स्वरूपातच सादर करावे लागेल. हे जीवन प्रमाणपत्र संपुर्ण आयुष्यभरासाठी वैध नाही. वैधता कालावधी संपल्यानंतर, नवीन प्रमाणपत्र सादर करावे लागणार आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.