भयंकर! रशियन सैन्याचा युक्रेनच्या शाळेवर बॉम्बहल्ला; ६० लोक दगावल्याची शक्यता

नवी दिल्ली : जग एकीकडे कोरोना विषाणूच्या संकटातून काही प्रमाणात बाहेर पडलं आहे. मात्र, दुसरीकडे जगावर तिसऱ्या युद्धाचे ढग कायम आहे. त्यातच रशिया (Russia)आणि युक्रेनमधील (Ukraine)युद्ध सुरुच आहे. रशियन सैन्यानेही युक्रेनवरील हल्ले वाढविले आहेत. त्याचा परिणाम संपूर्ण जगावर होत आहे. या युद्धामुळे अनेक देशांच्या अर्थव्यवस्थेवर परिणाम झाला आहे. या दरम्यान, रशियाने युक्रेनच्या पूर्व भागातील शाळेत बॉम्बहल्ला केला आहे. या हल्ल्यात ६० लोक मरण पावल्याची शक्यता वर्तवण्यात येत आहे. (Ukraine-Russia war latest news)

हे देखील पाहा -

एएफपी वृत संस्थेच्या माहितीनुसार, रशियाने युक्रेनवर केलेल्या या हल्ल्यात ६० लोक मरण पावल्याची शक्यता वर्तवली आहे. मिळेालेल्या माहितीनुसार, रशियाच्या सैन्याने पूर्व युक्रेनच्या लुहांस्क विभागातील बिलोहोरिवका गावातील शाळेत हा बॉम्बहल्ला केला आहे. या हल्ल्यात युक्रेनचे ६० लोक मरण पावल्याची शक्यता वर्तवण्यात आली आहे. या हल्ल्याने शाळेच्या परिसरात राहणाऱ्या लोकांमध्ये एकच खळबळ उडाली आहे.

रॉयटर्स वृत्तसंस्थेच्या माहितीनुसार, बॉम्बहल्ल्यानंतर लुहांस्कचे गव्हर्नर सेरही गदाई यांनी प्रतिक्रिया दिली आहे. गदाई म्हणाले की, या शाळेत काही सामान्य लोक राहत होती. रशियाने केलेल्या या बॉम्बहल्ल्यामुळे शाळेला भीषण आग लागली आहे, असा दावा गव्हर्नर गदाई यांनी केला. तसेच चार तासाच्या अथक प्रयत्नानंतर आगीवर नियंत्रण मिळवण्यात यश मिळाले, अशी माहिती देखील गदाई यांनी दिली.

Edited By - Vishal Gangurde