बंगळुरु : राष्ट्रवादी कॉंग्रेसचे (NCP) अध्यक्ष शरद पवार (sharad pawar) सध्या कर्नाटकात आहे. अशातच कर्नाटकचे मुख्यमंत्री बसवराज बोम्मई (karnataka cm Basavaraj S Bommai) यांनी शरद पवारांची भेट घेतल्याने राजकीय वर्तुळात अनेक चर्चांना उधाण आलं आहे. शरद पवारांनी स्वतः या भेटीची माहिती ट्विटरद्वारे दिली आहे. या भेटीत कृषी, सहकार आणि पाणी या विषयांवर चर्चा झाल्याचं बोलंल जातंय. (sharad pawar meets karnataka cm in bangalore)
हे देखील पहा -
शरद पवार आपल्या ट्विटमध्ये म्हणाले की, मी आज बंगळुरूमध्ये होतो. त्यावेळी कर्नाटकचे मुख्यमंत्री बसवराज बोम्मई यांचा मला फोन आला. त्यांनी मला भेटण्याची इच्छा व्यक्त केली. त्यांचं पद पाहता मी त्यांना भेटण्याचा निर्णय घेतला आणि त्यांच्याशी माझी भेट झाली. त्यांनी माझं चांगलं आदरतिथ्य केलं. महाराष्ट्र आणि कर्नाटक दोन्ही राज्य गेल्या अनेक वर्षापासून परस्पर सहकार्याने काम करत आले आहेत. त्यामुळे यापुढेही ही परंपरा कायम राहील अशी आशा आहे, असं शरद पवार यांनी ट्विटमध्ये म्हटलं आहे.
एकीकडे शरद पवार देशपातळीवर भाजप विरुद्ध मोर्चेबांधणी करताना दिसतात तर दुसरीकडे ते अनेक भाजप नेत्यांनाही भेटत आहेत. 17 जुलै रोजी शरद पवारांनी पंतप्रधान नरेंद्र मोदींची भेट घेतली. त्यानंतर ३० जुलै रोजी रस्ते, परिवहन मंत्री नितीन गडकरी यांची भेट घेतली. तसेच मागील आठवड्यात ३० ऑगस्ट रोजी नवे सहकार मंत्री अमित शहा यांचीही भेट त्यांनी घेतली आहे. त्यामुळे या भेटींमध्ये नेमक्या काय चर्चा झाल्या याबाबत कळू शकलेले नाही.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
