Sonia Gandhi-Smriti Irani: सोनिया गांधी-स्मृती इराणी यांच्यात शाब्दिक चकमक; खासदारांना हस्तक्षेप करावा लागला

अधीर रंजन चौधरी यांनी राष्ट्रपतींचा उल्लेख करताना आक्षेपार्ह शब्द वापरला. यावरून भाजप आक्रमक झाला.
Sonia Gandhi-Smriti Irani Latest Update
Sonia Gandhi-Smriti Irani Latest UpdateSAAM TV

नवी दिल्ली: राष्ट्रपती द्रौपदी मुर्मू यांच्याबद्दल आक्षेपार्ह विधान केल्यावरून काँग्रेसचे ज्येष्ठ नेते अधीर रंजन चौधरी वादात सापडले. यावरून संसदेत जोरदार गदारोळ झाला. भाजपने संसदेच्या सभागृहात काँग्रेसला घेरण्याचा प्रयत्न केला.

केंद्रीय मंत्री स्मृती इराणी यांनी काँग्रेसवर जोरदार हल्लाबोल केला. काँग्रेस अध्यक्ष सोनिया गांधी यांनी माफी मागावी, अशी मागणी इराणी यांनी केली. त्याचदरम्यान संसदेतील वातावरण तापलं. दुसरीकडे, सोनिया गांधी आणि स्मृती इराणी सभागृहात आमनेसामने आल्या. सूत्रांच्या माहितीनुसार, यावेळी संसदेच्या सभागृहातील अनेक सदस्यांना यामध्ये हस्तक्षेप करावा लागला. (Sonia Gandhi- Smriti Irani News Update)

Sonia Gandhi-Smriti Irani Latest Update
Adhir Ranjan Chowdhury: राष्ट्रपतींबद्दल अपशब्द; काँग्रेसचे अधीर रंजन चौधरी वादात; संसदेत गदारोळ, स्मृती इराणी आक्रमक

लोकसभेच्या सभागृहात (Loksabha) साधारण १२ वाजताच्या सुमारास हा प्रकार घडला. सभागृहाचं कामकाज स्थगित झाल्यानंतर भाजपचे खासदार हे सोनिया गांधी (Sonia Gandhi) यांच्या राजीनाम्याची मागणी करणाऱ्या घोषणा करत होत्या. सोनिया गांधी त्याचवेळी सभागृहातून बाहेर जात होत्या. मात्र, घोषणाबाजी सुरू असल्याने सोनिया परत आल्या आणि रमा देवी यांच्याजवळ गेल्या.

अधीर रंजन चौधरींनी (Adhir Ranjan Chowdhury) माफी मागितली आहे, असे त्या म्हणाल्या. त्याचवेळी स्मृती इराणी (Smriti Irani) त्यांना उद्देशून काही तरी बोलल्या. त्यावेळी सोनियांनी प्रत्युत्तर दिले. 'डोन्ट टॉक टू मी' असं त्या स्मृती इराणींना म्हणाल्या. त्यानंतर स्मृती इराणी आणि सोनिया गांधी यांच्यात शाब्दिक चकमक उडाली. जवळपास दोन-तीन मिनिटे त्यांच्यात शाब्दिक चकमक सुरू होती.

Sonia Gandhi-Smriti Irani Latest Update
Pune News : सोनिया गांधींची ईडीकडून चौकशी; पुण्यात युवक काँग्रेसने रेल्वे अडवली

सोनिया गांधी या रमा देवींशी बोलत होत्या, त्यावेळी बिट्टू आणि गौरव गोगोई त्या ठिकाणी उपस्थित होते. सूत्रांच्या माहितीनुसार, यामध्ये माझे नाव का घेतले जात आहे, असा प्रश्न सोनियांनी रमा देवी यांना विचारला. त्यावेळी स्मृती इराणी तिथे आल्या. मी तुम्हाला काही मदत करू शकते का, असं त्यांनी सोनिया यांना विचारलं. मी तुमचं नाव घेतलं होतं, असं स्मृती म्हणाल्या. त्यावर सोनिया गांधी संतापल्या आणि डोन्ट टॉक टू मी असं त्या स्मृतींना म्हणाल्या. त्यांच्यात शाब्दिक चकमक सुरू असताना दोन्ही पक्षांचे खासदार त्याठिकाणी आले. त्यांनी हस्तक्षेप करून वाद मिटवला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com