श्रीलंकेत पुन्हा आणीबाणी; राष्ट्रपती गोटाबाया राजपक्षे यांची घोषणा
Sri Lanka Latest NewsSaam Tv

श्रीलंकेत पुन्हा आणीबाणी; राष्ट्रपती गोटाबाया राजपक्षे यांची घोषणा

श्रीलंकेत पुन्हा परिस्थिती बिघडली

श्रीलंकेतील आर्थिक परिस्थिती दिवसेंदिवस आणखी बिकट होत असल्याचे चित्र दिसून येत आहे. या पार्श्वभूमीवर श्रीलंकेमध्ये मध्यरात्री १२ वाजल्यापासून आणीबाणी लागू करण्याची घोषणा राष्ट्रपती गोटाबाया राजपक्षे यांनी केली आहे. राष्ट्रपती गोटाबाया राजपक्षे यांनी मध्यरात्रीपासून आणीबाणी जाहीर केली आहे. याआधीही श्रीलंकेत (Sri Lanka) 1 एप्रिल रोजी जनतेने निदर्शने केल्यानंतर आणीबाणी लागू करण्यात आली होती. ही आणीबाणी 5 एप्रिल रोजी मागे घेण्यात आली. मात्र, आता पुन्हा एकदा आणीबाणी लागू करण्यात आली होती. आर्थिक संकटामुळे जनता रस्त्यावर उतरुन सरकारविरोधात निदर्शनं करत आहे. यामुळे हा निर्णय घेण्यात आला असल्याची माहिती समोर आली आहे.

राष्ट्रपतींच्या राजीनाम्याची मागणी करत हजारो विद्यार्थी रस्त्यावर उतरत आहेत. संसद परिसराकडे जाणारा रस्ताही गुरुवारपासून बंद करण्यात आला आहे. काही दिवसांपूर्वी पोलिसांनी आंदोलकांवर अश्रुधुराच्या नळकांड्याही सोडल्या होत्या. अशा परिस्थितीत कायदा आणि सुव्यवस्था राखण्यासाठी राष्ट्रपतींनी हा कठोर निर्णय घेतला आहे.

Sri Lanka Latest News
पॉवरहाऊस असणाऱ्या मोसंबीचा ज्यूस प्या आणि पाचनशक्ती वाढवा..!

श्रीलंकेची ढासळणारी अर्थव्यवस्था आणि वाढती महागाई हे सध्या राष्ट्रपतींवर होत असलेल्या आरोपांचे मुख्य कारण आहे. श्रीलंकेतील परिस्थिती सध्या बिकट होत चालली आहे. पेट्रोल आणि डिझेलचाही मोठा तुटवडा असून खाद्यपदार्थ विकत घेण्यासाठी लांबच लांब रांगा पाहायला मिळत आहेत. खाद्यपदार्थांव्यतिरिक्त कागदाचाही मोठा तुटवडा निर्माण झाला आहे. विद्यार्थ्यांच्या परीक्षा घेणेही सरकारसाठी आव्हानात्मक ठरत आहे. या सर्वांशिवाय चुकीच्या धोरणांमुळे श्रीलंका कर्जात बुडाला आहे. या कारणास्तव श्रीलंका स्वातंत्र्यानंतरचा सर्वात वाईट काळ पाहत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.