वृत्तसंस्था : इंडोनेशियामध्ये भूकंपाचे जोरदार धक्के जाणवले आहेत. देशाच्या हवामान विभागाने सांगितले आहे की, इंडोनेशियाने (Indonesia) पूर्व नुसा टेंगारा याठिकाणी ७.५ तीव्रतेच्या भूकंपानंतर सुनामीचा (Tsunami) इशारा दिला आहे. त्याचवेळी, युरोपीय- भूमध्य भूकंप विज्ञान केंद्राने (Science Center) भूकंपाची तीव्रता (Earthquake magnitude )७.७ दिली आहे. भूकंपाचा केंद्रबिंदू ५ किमी खोलीवर असल्याचे सांगण्यात आले आहेत.
GFZ जर्मन रिसर्च सेंटर फॉर जिओसाइन्सेस (GFZ) ने सांगितले आहे की या वर्षी मे महिन्यामध्ये शुक्रवारी इंडोनेशियन सुमात्रा बेटाच्या (island Sumatra) वायव्य किनारपट्टीवर ६.६ तीव्रतेचा भूकंप झाला होता. इंडोनेशियामध्ये भूकंपाचे धक्के नेहमीच जाणवत असतात. पॅसिफिक त्सुनामी चेतावणी केंद्राने सांगितले आहे की भूकंप केंद्राच्या १ हजार किमी अंतरावर असलेल्या किनारपट्टीवर धोकादायक लाटा येण्याची शक्यता आहे.
हे देखील पहा-
भूकंपामुळे होणारी जीवितहानी कमी असल्याचे यूएसजीएसने सांगितले आहे. तथापि, या प्रदेशामध्ये नुकत्याच झालेल्या भूकंपांमुळे त्सुनामी आणि भूस्खलनाचा धोका असल्याचे त्यात सांगितले जात आहे. इंडोनेशिया प्रशांत महासागराच्या रिंग ऑफ फायरवर स्थित आहे. ज्यामुळे नेहमीच भूकंपाचे धक्के आणि सुनामी येतात. रिंग ऑफ फायर ही चाप सारखी असते, जिथे टेक्टोनिक प्लेट्स अनेकदा हलत असतात. (Strong earthquake shakes Indonesia)
ज्यामुळे भूकंप होतात. ही चाप जपानपासून आग्नेय आशिया आणि पॅसिफिक खोऱ्यापर्यंत पसरलेली आहे. २००४ मध्ये इंडोनेशियामध्ये मोठा भूकंप झाला होता. त्याची तीव्रता रिश्टर स्केलवर ९.१ एवढी होती. त्यामुळे एवढी भयानक त्सुनामी आली. ज्यामुळे दक्षिण आशियामध्ये २.२ लाख लोकांचा मृत्यू झाला आहे. एकट्या इंडोनेशियामध्ये १.७ लाख लोकांचा मृत्यू झाला होता.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
