काबुल: अफगाणिस्तानमध्ये तालिबानने त्यांचे अंतरिम सरकार स्थापन केले आहे. मात्र या तालिबान सरकारमध्ये एकही महिला नेता किंवा मंत्री नाही त्यामुळे इथल्या महिला रस्त्यावर उतरल्या आहेत. महिलांनाही सत्तेत वाटा द्या या मागणीसह इथल्या महिला आंदोलनं करत होत्या. या आंदोलनाचे वृत्तांकन करण्यासाठी Etilaatroz या वृत्तपत्राचे दोन पत्रकार गेले होते. यादरम्यान तालिबानी तिकडे आले आणि दोन्ही पत्रकारांना ताब्यात घेतले. त्यानंतर कस्टडीमध्ये असताना त्यांना अमानुष मारहाण केली. (Taliban inhumane treatment of journalists covering women's rights)
हे देखील पहा -
नेमत नकदी आणि ताकी दर्याबी या दोन पत्रकारांना अमानुष मारहाण आणि छळ झाल्यानंतर हे फोटोज् व्हायरल झाले आहेत. त्यांच्या पाठीवर आणि पृष्ठभागावर चाबुक आणि दांडक्याचे व्रण दिसतायत तसेच रायफलनेही मारहाण केली आहे. यावरुन तालिबाबने त्यांना किती अमानुषपणे मारले असेल हे लक्षात येते. या प्रकारामुळे जगभरातून चिंता व्यक्त केली जातेय. खरंतर महिलांचं हे आंदोलन इकतं मोठं नव्हतं, पण एका छोट्याशा आंदोलनानेही तालिबान्यांचा गार राग अनावर होतो हे या घटनेवरुन लक्षात येतं.
तालिबानने अफगाणिस्तानातील महिलांवर अनेक निर्बंध लावले आहेत. मुला-मुलींनी एकत्र शिकु नये यासाठी महाविद्यालयात पर्दा लावून शिकवण्यात येत आहेय तसेच महिलांनी हिजाब परिधान करणं सक्तीचं केलं आहे. याशिवाय कोणतीही स्त्री सोबत पुरुष असेल तरच समाजात वावरु शकते. यावरुन आपल्याला अफगाणिसतानच्या भयानक परिस्थितीची कल्पना येते.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.