नवी दिल्ली - जागतिक बाजारातील मंदीमुळे बुधवारी सकाळी सोन्याच्या दरात मोठी घसरण पाहायला मिळत आहे. बुधवारी सकाळी सोन्याचा फ्युचर्स भाव तीन महिन्यांच्या नीचांकी पातळीवर गेला. लग्नसराईच्या हंगामातही सोन्याचा भाव ५० हजारांच्या आसपास पोहोचला असून चांदीचे दर ६० हजारांच्या आसपास आहे.
हे देखील पाहा -
मल्टीकमोडिटी एक्सचेंज (MCX) वर, बुधवारी 24 कॅरेट शुद्धतेच्या सोन्याची फ्युचर्स किंमत 228 रुपयांनी घसरून 50,358 रुपये प्रति 10 ग्रॅम झाली आहे. तीन महिन्यानंतर सोने आज सर्वात स्वस्त झाले आहे. आजच्या व्यवहारात सोने 50,445 रुपयांवर खुले झाले, परंतु मागणी कमी झाल्याने ते 0.45 टक्क्यांनी घसरून 50,358 वर आली.
चांदीच्या दरातही घसरण
चांदीचे दर 280 रुपयांनी घसरून 60,338 रुपये प्रति किलोवर पोहोचले आहे. चांदीने आज 60,525 रुपयांच्या पातळीवर व्यवहार सुरू केला, परंतु विक्री वाढल्याने त्याची किंमत लवकरच 0.46 टक्क्यांनी घसरून 60,338 वर आली.
अशी तपासता सोन्याची शुद्धता?
तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. 'BIS Care App'द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रार करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तात्काळ माहितीही मिळेल.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
