ओळखीचे लोक अन् शेजारी बलात्काराच्या घटना वाढण्यामागचे कारण; भाजप नेत्याचं वक्तव्य

सुरत : मोबाइलवर (Mobile) पॉर्न व्हिडिओ सहज उपलब्ध होतात, तसंच आणि समाजाची विकृत मानसिकता ही बलात्कारासाठी जबाबदार कारण असल्याचं वक्तव्य गुजरातचे गृहमंत्री हर्ष संघवी यांनी केलं. ते देशातील वाढत्या बलात्कारांच्या घटनेवर चिंता व्यक्त करत होते. ते पुढे म्हणाले, बलात्कारांच्या घटनांसाठी शेजारी आणि कुटुंबातील सदस्यांप्रमाणे ओळखीचे लोक आहेत. असेच लोक लहान मुलींच्या बाबतीत गुन्हेगार असतात आणि अशी कृत्य करतात, असं हर्ष संघवी यांनी म्हटलं आहे.

तसंच, बलात्कारांच्या घटनांसाठी आपण नेहमी केवळ पोलिसांना (Police) दोष देतो. अशा घटना समाजावरील कलंक असतात. तसंच संपुर्ण देशात गुजरात (Gujarat) सुरक्षित आहे. मात्र तरिही बलात्काराच्या एक-दोन घटनाही खपवून घेतल्या जाऊ शकत नाहीत असही ते म्हणाले.

हे देखील पहा -

तसंच नुकत्याच झालेल्या एका सर्वेक्षणात असे दिसून आले आहे की, भारतात बलात्काराच्या मोठ्या घटनांमागे मोबाईल फोन आणि ओळखीचे लोकांनी हे गुन्हे करणं ही प्रमुख कारणे आहेत. “जर एखादा बापानेच लहान मुलीवर अत्याचार केला तर ती एक मोठी समस्या नाही का? आणि या सर्व गोष्टी केवळ मोबाईलमुळेच घटत असल्याचंही ते म्हणाले.

Edited By - Jagdish Patil