Parliament Winter Session : संसदेच्या हिवाळी अधिवेशनाला 7 डिसेंबरपासून सुरूवात

संसदेचे हिवाळी अधिवेशन यंदा 7 डिसेंबर ते 29 डिसेंबर या कालावधीत होणार
Parliament Winter Session
Parliament Winter SessionSaam Tv

शिवाजी काळे

नवी दिल्ली - संसदेचे हिवाळी अधिवेशन (Winter Session) यंदा 7 डिसेंबर ते 29 डिसेंबर या कालावधीत होणार आहे. अशी माहिती संसदीय मंत्री प्रल्हाद जोशी (Pralhad Joshi) यांनी दिली आहे. त्यांनी ट्विटमध्ये म्हटले आहे की, 'संसदेचे हिवाळी अधिवेशन 7 डिसेंबरपासून सुरू होणार असून ते 29 डिसेंबरपर्यंत चालणार आहे. यादरम्यान 23 दिवसांत 17 बैठका होणार आहेत. देशाच्या अमृत काळात अधिवेशनादरम्यान विधिमंडळ कामकाज आणि इतर बाबींवर चर्चेची अपेक्षा आहे. या दरम्यान सर्वपक्षीय संसदीय सदस्यांकडून विधायक चर्चेची अपेक्षा असल्याचेही त्यांनी म्हटले आहे.

Parliament Winter Session
Gujarat Assembly Election : पंतप्रधान मोदींच्या रॅलींना आजपासून सुरुवात; २५ जाहीर सभांना संबोधित करणार

हे पहिलेच अधिवेशन असेल जेव्हा उपाध्यक्ष जगदीप धनखर राज्यसभेचे कामकाज चालवतील. सरकार आगामी अधिवेशनात अनेक विधेयके मंजूर करण्याचा विचार करत असताना, विरोधक अनेक विषयांवर चर्चेची मागणी करणार आहेत.

निवडणुकीच्या काळात संसदेचे हिवाळी अधिवेशन

गुजरात (Gujarat) आणि हिमाचल प्रदेशमध्ये होणाऱ्या निवडणुकीच्या काळात संसदेचेच्या हिवाळी अधिवेशनाला सुरुवात होणार आहे. हिमाचल प्रदेशमध्ये विधानसभा निवडणुकीसाठी एकाच टप्प्यात १२ नोव्हेंबरला मतदान झाले, तर गुजरातमध्ये १ डिसेंबर आणि ५ डिसेंबरला दोन टप्प्यात मतदान होणार आहे. दोन्ही राज्यांची मतमोजणी ८ डिसेंबरला होणार आहे.

राहुल गांधी हिवाळी अधिवेशनाला उपस्थित राहणार नाहीत

काँग्रेसचे खासदार राहुल गांधी यावेळी हिवाळी अधिवेशनाला उपस्थित राहू शकणार नाहीत. काँग्रेस पक्षाचे सरचिटणीस आणि संपर्क प्रभारी जयराम रमेश यांनी सांगितले की, भारत जोडो यात्रेमुळे राहुल गांधी यावेळी हिवाळी अधिवेशनाला उपस्थित राहू शकणार नाहीत. राहुल गांधींची भारत जोडो यात्रा निश्चित वेळापत्रकानुसार 150 व्या दिवशी जम्मू-काश्मीरमध्ये पोहोचू शकते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com