Uttar Pradesh Accident: उत्तर प्रदेशमध्ये (Uttar pradesh) स्कूटी आणि ट्रक यांच्यात झालेल्या धडकेत स्कूटीवरील तीन जण ठार झाले आहेत. उत्तर प्रदेशमधील शाहजहाँपूर येथे एक भयानक अपघात घडला आहे. येथे एका ट्रकने स्कूटीला धडक दिली. त्यानंतर त्या अपघातग्रस्त स्कूटीला ५०० मीटरपर्यंत फरफटत नेले.
या भीषण अपघातामध्ये एका ३ वर्षांच्या मुलासह तीन जणांचा मृत्यू झाला आहे.अपघातानंतर ट्रकचालक घटनास्थळावरून फरार झाल्याचे समोर आले आहे.
पोलिस अधीक्षक आनंद यांनी दिलेल्या माहितीनुसार, हा अपघात शुक्रवारी रात्री कटरा ओव्हरब्रिजजवळ झाला. कटरा पोलीस ठाणे क्षेत्रातील लालपूर गावातील रहिवासी रामदीन, त्यांची वहिनी सूरजा देवी आणि त्यांचा तीन वर्षांचा पुतण्या घरी जात होते. तेवढ्यात मागून येणाऱ्या भरधाव ट्रकने त्यांना टक्कर दिली. त्यामुळे हा भीषण अपघात झाला.
घटनेची माहिती मिळताच घटनास्थळी पोहोचलेल्या पोलिसांनी स्कुटीवरील तिघांनाही उपचारासाठी बरेलीला पाठवले, मात्र तेथील डॉक्टरांनी त्यांना मृत घोषित केले. पोलिसांनी तिन्ही मृतदेह ताब्यात घेऊन पोस्टमॉर्टमसाठी पाठवले आहेत, अशी माहितीही पोलिस अधिक्षकांनी दिली आहे.
दरम्यान, अपघातानंतर ट्रक चालक घटनास्थळीच वाहन सोडून पळून गेला असून पोलिसांनी ट्रक ताब्यात घेत चालकाचा शोध सुरू असल्याचे त्यांनी सांगितले. या धक्कादायक घटनेने परिसरात खळबळ माजली आहे. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
