उत्तर प्रदेशमधील ग्रेटर नोएडामध्ये एका अल्पवयीन मुलीने राहत्या घरी आपलं जीवन संपवलं आहे. या घटनेने येथे खळबळ उडाली आहे. मुलीच्या कुटुंबीयांचे म्हणणे आहे की, त्यांच्या घरात घुसून एका व्यक्तीने त्यांच्या मुलीचा विनयभंग केला आणि अनेक दिवसांपासून तिचा छळ करत होता.
गुरुवारी मुलीचे वडील आणि भाऊ विनयभंगाची तक्रार देण्यासाठी पोलीस ठाण्यात गेले असता, मुलीने राहत्या घरी गळफास घेऊन आपलं जीवन संपवलं. स्थानिक पोलीस अधिकाऱ्यांनी दिलेल्या माहितीनुसार, गेल्या अनेक दिवसांपासून एका स्थानिक व्यक्तीकडून मुलीचा छळ केला जात होता. काल रात्री हा तरुण घरात घुसून तरुणीला तिचा फोन नंबर विचारत होता. एवढेच नाही तर त्याने या अल्पवयीन मुलीचा विनयभंगही केला.
या प्रकरणी जेवर पोलिस ठाण्यात गुन्हा दाखल करण्यात आला आहे. भारतीय दंड संहितेच्या कलम 354 व्यतिरिक्त पोलिसांनी या प्रकरणी पॉक्सो कायद्यांतर्गतही गुन्हा दाखल केला आहे. पोलीस अधिकाऱ्याने सांगितले की, 'मुलीचा भाऊ आज पोलिस ठाण्यात आला होता आणि त्याने सांगितले की आरोपी जहांगीरपूरमध्ये राहतो. त्यानुसार रात्री साडेबारा वाजण्याच्या सुमारास आरोपी त्यांच्या घरी आला होता. त्याने बहिणीचा मोबाईल नंबर मागितला आणि तिचा विनयभंग केला. (Latest Marathi News)
अधिकाऱ्याने पुढे सांगितले की, जेव्हा मुलीचा भाऊ आणि वडील पोलीस ठाण्यात बसून तक्रार दाखल करत होते, त्याचवेळी मुलीने घरात गळफास घेऊन जीवन संपवलं. मुलीने गळफास लावण्यासाठी कपड्याच्या हुकचा वापर केला होता. पोलिसांनी मुलीचा मृतदेह पोस्टमार्टमसाठी पाठवला असून आता या संपूर्ण प्रकरणाचा तपास सुरू करण्यात आला आहे.
पोलिसांनी सांगितले की, प्राथमिक तपासाअंती असे समोर आले आहे की, मुलगी आणि आरोपी एकमेकांना आधीच ओळखत होते आणि आधीपासून एकमेकांच्या संपर्कात होते. याप्रकरणी पुढील तपास सुरू आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
