Crime News : पतीला जडलं होतं दारुचं व्यसन; पत्नी भोंदुबाबाकडे गेली अन्.., हादरवून टाकणारी घटना
Uttar Pradesh Crime News : संसाराचा गाडा हाकताना पती-पत्नीमध्ये नेहमी कोणत्या ना कोणत्या कारणावरून वाद होत असतात. अनेकदा हे वाद लगेच मिटतात, तर काही वेळा वाद इतके विकोपाला जातात की, त्यावरून मोठे गुन्हे घडतात. अशीच एक घटना उत्तरप्रदेशातून समोर आली आहे. इथे एका पत्नीने भोंदुबाबाच्या मदतीने आपल्याच पत्नीची हत्या केली. (Breaking Marathi News)
याप्रकरणी पोलिसांनी आरोपी भोंदुबाबा आणि मृत व्यक्तीच्या पत्नीसह इतर ६ जणांचा अटक केली आहे. सुरजीत (वय ३३ वर्ष) असं मृत्युमुखी पडलेल्या व्यक्तींचं नाव आहे. 22 जानेवारीला सुरजीतचा मृतदेह पोलिसांना एक रेल्वे ट्रॅकवर आढळून आला होता.
सुरजीत याची हत्या झाली असावी, असा संशय पोलिसांना होता. पोलिसांनी सुरजीतची पत्नी विमला हिला ताब्यात घेऊन तिची चौकशी केली असता, तिने धक्कादायक खुलासे केले आहेत. आपणच भोंदुबाबाला पतीच्या हत्येची सुपारी दिली असल्याचं तिने कबुल केलं. (Latest Marathi News)
पोलिसांनी दिलेल्या माहितीनुसार, जलालाबाद पोलीस ठाण्याच्या हद्दीतील गौस नगर येथील रहिवासी असलेल्या सुरजीतला दारूचे व्यसन होते. कमावलेले सगळे पैसे तो दारूत वाया घालायचा. दरम्यान, त्याची पत्नी विमला आणि मेहुणीने बरेली येथे राहणाऱ्या तांत्रिक इरफानची भेट घेतली.
सुरुवातीला त्यांनी तंत्रमंत्राद्वारे दारूच्या नशेतून मुक्ती मिळवण्याबाबत सांगितले. पण सुरजीतची दारू सुटली नाही. यानंतर पत्नी विमला हिने पतीला मार्गावरून हटवण्यासाठी तांत्रिकाशी बोलणे केले. पतीच्या हत्येसाठी पत्नीने आणि मेहुणीने तांत्रिकाला 2 लाख दिले.
यानंतर तांत्रिकाच्या चार साथीदारांनी सुरजीतला दारू पाजण्याच्या बहाण्याने अज्ञास्थळी नेले. तेथे सुरजीतची दगडाने ठेचून हत्या केली. हत्येनंतर मृतदेह रेल्वे ट्रॅकवर फेकून दिला. याप्रकरणी पोलिसांनी आरोपी भोंदुबाबा सुरजीतची पत्नी विमला आणि मेहुणीसह इतर ६ जणांना अटक केली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.