५ वी पास तरुणाने बनवली गॅसवर चालवणारी बाईक; १ किलो गॅसमध्ये १०० किमी धावणार

जालौन : गेल्या काही दिवसांपासून भारतात पेट्रोल डिझेलच्या (Petrol) किंमती गगनाला भिडल्या आहेत. त्यामुळे अनेकांनी आपला कल इलेट्रिक वाहनांकडे वळवला आहे. अशातच पेट्रोल डिझेलला पर्याय म्हणून उत्तरप्रदेशातील एका तरुणाने गॅसवर चालणारी बाईक (Bike) बनवली आहे.या तरुणाने आपल्या पेट्रोलवर चालणाऱ्या बाईकचे रुपांतर घरगुती गॅसवर चालणाऱ्या बाईकमध्ये केले आहे.

दिनेश असं या तरुणाचं नाव असून दिनेशने बनवलेली ही बाईक 1 किलो गॅसमध्ये 100 किमीपर्यंतचे अंतर पार करते. त्याच्या या तंत्रज्ञानाच्या शोधामुळे लोक खूप उत्साहित आहेत. वास्तविक, जालौनच्या कैथवा गावात राहणारा दिनेश दिल्लीत सीएनजी ऑटो रिक्षा चालवायचा. मोठी वाहने गॅसवर धावू शकतात, मग दुचाकी का नाही, असा विचार त्याच्या मनात आला.

फक्त 1 रुपयात 1 किलोमीटरचा प्रवास

त्यानंतर दिनेशने याबाबत संशोधन सुरू केले. त्याने घरगुती गॅसवर चालणारी बाईक बनवली. त्यांची ही बाईक 1 रुपयात एक किलोमीटर अंतर कापते. देशात पेट्रोलचे दर दिवसेंदिवस वाढत असताना. अशा परिस्थितीत गॅसवर चालणाऱ्या बाईकची बातमी लोकांना दिलासा देणारी आहे.

दिनेशने त्याच्या बाईकच्या काही भागांमध्ये बदल करून ती घरगुती गॅसवर चालेल अशी तयार केली आहे. देशात पेट्रोलचे दर सातत्याने वाढत असताना आणि या महागाईच्या काळात वाहनांची सरासरी ही मोठी समस्या बनत असताना त्यांच्या मनात ही कल्पना आली, पण दिनेशने या समस्येवरही उपाय शोधून काढला आणि या समस्येवर उपाय शोधला आहे.

1 किलो गॅसमध्ये 100 किमी प्रवास

दिनेशने सांगितले की, मोठ्या महानगरांमध्ये त्यांनी पाहिले की जेव्हा तीन चाकी चारचाकी गॅसवर धावू शकतात तर टू व्हीलर का धावू शकत नाही. हे लक्षात घेऊन त्यांनी वाहनाच्या इंजिनच्या कार्बोरेटरमध्ये थोडासा बदल करून ते गॅसवर चालणारे बनवले, त्यांचा हा प्रयोग यशस्वी झाला आणि त्यांची बाइक 1 किलो गॅसमध्ये 110 किलोमीटरचा प्रवास करू शकते.

Edited By - Satish Daud