Uttarakhand : उत्तराखंडमध्ये मोठी दुर्घटना! पर्यटकांनी भरलेली व्हॅन दरीत कोसळली, १२ जणांचा मृत्यू

उत्तराखंडमधून (Uttarakhand) अपघाताची एक भयंकर घटना समोर आली आहे. जोशीमठ येथे शुक्रवारी मोठी दुर्घटना घडली.
Uttarakhand Accident News
Uttarakhand Accident NewsSaam TV

Uttarakhand Accident News : उत्तराखंडमधून (Uttarakhand) अपघाताची एक भयंकर घटना समोर आली आहे. जोशीमठ येथे शुक्रवारी मोठी दुर्घटना घडली. पर्यटकांनी खचाखच्च भरलेली व्हॅन अचानक दरीत कोसळली. या घटनेत १२ पर्यटकांचा दुर्देवी मृत्यू झाला आहे. घटनेची माहिती मिळताच पोलिसांसह स्थानिकांनी घटनास्थळी धाव घेतली. व्हॅनमध्ये अडकलेल्या पर्यटकांना बाहेर काढण्याचं काम सुरू आहे.

Uttarakhand Accident News
Beed News : ग्रामपंचायत निवडणुकांमध्ये महाविकासआघाडीत बिघाडी; राष्ट्रवादीने घेतला मोठा निर्णय

प्राप्त माहितीनुसार, जोशीमठ ब्लॉकच्या उरगम-पल्ला जाखोला हायवेवर हा अपघात झाला आहे. चालकाचं अचानक गाडीवरील नियंत्रण सुटल्याने भरधाव वेगात असणारी व्हॅन थेट खोल दरीत कोसळली. या दुर्देवी घटनेत (Accident) तब्बल १२ जणांचा मृत्यू झाला. मृतांमध्ये १० पुरूष आणि २ महिलांचा समावेश आहे.

दरम्यान, घटनेची माहिती मिळताच, जिल्हा दंडाधिकारी हिमांशू खुराना, पोलीस अधीक्षक प्रमेंद्र डोबल यांच्यासह एसडीआरएफ, एनडीआरएफ, पोलीस आणि प्रशासनाचे पथक घटनास्थळी पोहोचले आहे. आतापर्यंत 12 मृतदेह बाहेर काढण्यात आले असूनही व्हॅनमध्ये काही लोक अडकून पडले आहेत. त्यांना रेस्कू करण्याचे काम सुरू आहे.

या भीषण अपघातात जखमी झालेल्या पर्यटकांना तातडीने उपचारासाठी जवळच्या रुग्णालयात दाखल करण्यात आलं आहे. पर्यटकांनी भरलेली व्हॅन अचानक दरीत कशी कोसळली. यामध्ये चालकाचा निष्काळजीपणा होता का? याचा तपास पोलिसांनी सुरू केला आहे. सध्या फक्त जखमींवर उपचार आणि बचावकार्यावर भर दिला जात आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com