Delhi Japanese Girl Misbehave : होळीच्या रंगांचा बेरंग करणारी घटना दिल्लीत घडली आहे. होळीनिमित्त रंग लावण्याच्या बहाण्याने छेड काढल्याच्या अनेक घटना समोर आल्या आहेत. अशाच प्रकारची एक घटना एका जपानी तरुणीसोबत घडली आहे. तिच्यासोबत येथील तरुणांनी गैरवर्तन केलं. तिचा विनयभंग केला.
रंग लावण्याच्या बहाण्यानं काही तरुणांनी या विदेशी तरुणीला घेरलं आणि तिला जबरदस्ती रंग लावला. या घटनेचा व्हिडिओ सोशल मीडियावर व्हायरल झाला आहे. त्यानंतर नेटकऱ्यांनी संताप व्यक्त केला आहे. तसेच संबंधित तरुणांवर कारवाई करण्यात यावी, अशी मागणी केली आहे.
दिल्लीच्या पहाडगंज परिसरात ही घटना घडली आहे, असे सांगितले जाते. भारतात पहिल्यांदाच होळी साजरी करण्यासाठी आलेल्या जपानमधील तरुणीची छेड काढण्यात आली. या संपूर्ण घटनेचा व्हिडिओ स्वतः पीडितेनं सोशल मीडियावर शेअर केला होता. मात्र, त्यानंतर तो हटवण्यात आला. तोपर्यंत सोशल मीडियावर अनेकांनी आपापल्या अकाउंटवरून तो व्हिडिओ शेअर केला आहे. (Latest Marathi News)
अंडी मारली, स्प्रे मारला, घट्ट पकडलं...
व्हायरल झालेल्या या व्हिडिओत एका तरूणाने जपानी युवतीला घट्ट पकडून ठेवल्याचे दिसते. तिच्या गालांवर रंग लावला. बाजूलाच उभा असलेला दुसरा मुलगा तिच्या डोक्यावर जोरानं अंडी फेकतो. तर अन्य एक तरुण तिचा घट्ट पकडताना दिसतोय. तर तोच तरूण तिच्यावर स्प्रे मारताना दिसतो.
मुलीनं त्यांच्या तावडीतून सुटका करून घेण्याचा अनेकदा प्रयत्न केला. पण या झुंडीतून तिला सुटका करून घेता आली नाही. तर आधीच त्रास देणारा एक तरूण तिला पुन्हा एकदा होळीच्या शुभेच्छा देतो आणि तिला वाईट हेतूने स्पर्श करतो. त्यावर चिडलेली तरुणी त्याच्या कानाखाली मारताना या व्हिडिओत दिसते. (VIRAL NEWS)
या घटनेचा व्हिडिओ व्हायरल झाल्यानंतर दिल्ली पोलिसांनी निवेदन प्रसिद्ध केले आहे. सोशल मीडियावर व्हायरल झालेल्या व्हिडिओमुळे या घटनेची माहिती मिळाली. हा व्हिडिओ दिल्लीतील पहाडगंज परिसरातील आहे. या विदेशी तरुणीपर्यंत पोहोचण्यासाठी जपानी दूतावासाशी संपर्क साधला आहे. मात्र, या प्रकरणी अद्याप कोणतीही तक्रार मिळाली नाही, असे पोलिसांनी स्पष्ट केले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
