Viral Video: भयंकर! तरुणांमध्ये रस्त्यावर जुंपली, भलामोठा दगडच घातला डोक्यात; धक्कादायक VIDEO व्हायरल, नेटकरी संतापले

Bikers Fighting On Road: सोशल मीडियावर भांडणाचे, मारामारीचे अनेक व्हिडिओ व्हायरल होताना पाहत असतो. हे व्हायरल व्हिडिओ पाहताना कधी राग अनावर होतो, तर कधी भितीने गाळणही उडते. आत्तापर्यंत रस्त्यावर किरकोळ भांडणाचे अनेक व्हिडिओ तुम्ही पाहिले असतीलं, मात्र सध्या सोशल मीडियावर एक भयंकर व्हिडिओ व्हायरल (Viral Video) होत आहे जो पाहून तुम्हीही हादरुन जाल..

रस्त्यावरुन प्रवास करताना अनेकदा चुकून दुसऱ्याला धक्का लागला तरी वाद निर्माण होतात. अनेकदा या किरकोळ कारणाचे रुपांतर मोठ्या भांडणातही होते. सध्या व्हायरल होत असलेला व्हिडिओही अशाच एका भांडणाचा आहे, मात्र व्हिडिओ व्हायरल झाल्यानंतर नेटकऱ्यांनी संताप व्यक्त करत असे भांडण जीवावरही बेतू शकते, अशा शब्दात खडेबोल सुणावले आहेत.

या व्हायरल व्हिडिओमध्ये दोन तरुण छोट्याशा कारणावरुन भर रस्त्यामध्ये वाद घालत असल्याचे दिसत आहे. या दोघांचा हा वाद बघता बघता वाढत जातो आणि उभा असलेला तरुण थेट भलामोठा दगड उचलत गाडीवर बसलेल्या तरुणाच्या डोक्यात घालत असल्याचे व्हिडिओमध्ये दिसत आहे.

तरुणाने मारलेला हा दगड सरळ दुसऱ्या तरुणाच्या चेहऱ्यावर जोरात लागतो. सुदैवाने गाडीवरील तरुणाने हेल्मेट घातले असल्याने त्याला कोणतीही गंभीर जखम होत नाही. मात्र हे भांडण पाहणाऱ्यांनाही या संपूर्ण प्रकाराने धक्का बसतो. पण जर या गाडीवरील तरुणाने हेल्मेट घातले नसते तर मात्र हा हल्ला त्याच्या जिवावरचं बेतला असता असे हा व्हिडिओ पाहताना दिसत आहे.

या रस्त्यावरील हाय होल्टेज ड्राम्याचा व्हिडिओ सध्या सोशल मीडियावर चांगलाच व्हायरल होत आहे. ज्यावर नेटकऱ्यांनी संतप्त प्रतिक्रिया दिल्या आहेत. अनेकांंनी दगड मारणाऱ्या तरुणावर कठोर कारवाई करण्याची मागणी अनेकांनी केली आहे, तर दुसरीकडे काही जणांनी हेल्मेट असल्यामुळे जीव वाचला, असे म्हणत हेल्मेट वापरण्याचा सल्लाही दिला आहे. (Latest Marathi News Update)