बीजिंग : सोशल मीडियावर (Social Media) नेहमी अनेक प्रकारचे व्हिडिओ व्हायरल (Viral Video) होत असतात. यातील काही व्हिडिओ मजेशीर असतात. तर काही व्हिडिओ बघून अंगावर काटा येतो. असाच एक व्हिडिओ सध्या सोशल मीडियावर प्रचंड व्हायरल होत आहे. या व्हिडिओमध्ये एका उंच इमारतीवरून खाली पडलेल्या मुलीला एक व्यक्ती अलगदपणे झेलतो.
अनेकदा आपण चित्रपटांमध्ये अशी दृश्य पाहतो. मात्र ही दृश्य चित्रपटातील नाही तर, रिअल लाईफमधील आहे. व्हिडिओमध्ये तुम्ही बघू शकता की, एक पुरुष आणि एक महिला रस्त्याच्या बाजूला उभे आहेत. पुरूषासोबत उभ्या असलेल्या महिलेची अचानक वर नजर जाते.
त्यावेळी महिला आणि तिचा पुरूष साथीदार दोघंही पुढे धावतात. त्याच वेळी त्या व्यक्तीचा पाय देखील घसरतो. स्वत:ला सावरून तो लगेच उभा राहतो. तेवढ्यात इमारतीवरून एक चिमुकली मुलगी खाली पडते, त्या लहान मुलीला ती व्यक्ती अगदी अलगदपणे झेलते, या व्यक्तीने त्या मुलीला झेललं नसतं तर मोठ अनर्थ घडला असता.
माहितीनुसार, हा व्हिडिओ चीनच्या झेजियांग प्रांतातील असून तेथील एका सरकारी अधिकाऱ्याने आपल्या ट्विटरवरून हा व्हिडिओ शेअर केला आहे. 13 सेकंदांचा हा व्हिडिओ हृदय हेलावून टाकणारा आहे. आतापर्यंत व्हिडिओला लाखांहून अधिक लाईक्स मिळाले आहे.
चिमुकलीचे प्राण वाचवणाऱ्या या रिअल हिरोचे नेटकरी कौतुक करत आहेत. केवळ चित्रपटातच नाही तर जगातही खरे हिरो असतात असं नेटकरी म्हणत आहेत. एका नेटकऱ्याने दोघांनाही पदक मिळालं पाहिजे अशी कमेंट केली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
