लखनौ : मध्य प्रदेशच्या रीवामधून एक धक्कादायक घटना समोर आली आहे. मित्राच्या वरातीत नाचताना तरुणाचा मृत्यू झाला आहे. हृदयविकाराच्या झटक्याने तरुणाचा मृत्यू झाला असावा असा अंदाज वर्तवला जात आहे. घटनेनंतर लग्नाच्या आनंदी वातावरणात शोककळा पसरली. घटनेचा व्हिडीओ व्हायरल होत आहे.
मिळालेल्या माहितीनुसार, रीवा येथे लग्नाचं वऱ्हाड आलं होतं. वरातीत नवरदेवाचा मित्र मोठ्या उत्साहात नाचत होता. मात्र नाचता नाचता तो अचानक जमिनीवर कोसळला. त्यानंतर आजूबाजूला असलेले सर्वजण त्याच्याकडे तातडीने पोहोचले. (Latest Marathi News)
तरुणाला तत्काळ या जवळील संजय गांधी रुग्णालयात नेण्यात आले. मात्र तेथील डॉक्टरांनी त्याला मृत घोषित केले. ह्रदयात अचानक दुखू लागल्याने तरुणाचा मृत्यू झाल्याचे उपस्थितांनी सांगितलं. मात्र मृत्यूचे नेमके कारण शवविच्छेदन अहवालानंतरच समजेल.
या घटनेचा व्हिडीओ देखील समोर आला आहे. तरुण डोक्यावर फेटा बांधून मोठ्या आनंदात नाचताना दिसत आहे. बराच वेळ डान्स केल्यानंतर तरुण अचानक जमिनीवर पडताना दिसतोय. उपस्थित अनेकजण त्याच्या डान्सचा व्हिडिओ बनवत होते. मात्र अचानक तरुण जमिनीवर कोसळला आणि त्याचा यात दुर्देवी मृत्यू झाला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.