Jalore News: नोकरीच्या त्रासामुळे एका २४ वर्षीय तरुणाने चक्क ५६ ब्लेड्स गिळल्याचा भयंकर प्रकार समोर आला आहे. राजस्थानमधील (Rajsthan) जालौरमध्ये ही धक्कादायक घटना समोर आली आहे. कामाच्या ताणामुळे आत्महत्या करण्याच्या हेतूने तरुणाने हे पाऊल उचलल्याचे कारण समोर आले आहे. त्याच्या पोटातून बऱ्यापैकी ब्लेड्स काढले असून त्याची प्रकृती आता धोक्याच्या बाहेर असल्याचे डॉक्टरांनी सांगितले आहे, काय आहे हे संपूर्ण प्रकरण चला जाणून घेवू.
याबाबत अधिक माहिती अशी की, ब्लेड गिळलेल्या तरुणाचं नाव यशपाल सिंग असं आहे. यशपालने ब्लेड गिळल्यामुळे त्याच्या गळ्यावर गंभीर जखमा झाल्या आहेत. शिवाय पोटात ब्लेड गेल्यामुळे संपूर्ण अंगावर सूज आली होती. शिवाय शरीराच्या आतमधील भागात गंभीर जखमाही झाल्या होत्या. या तरुणाच्या शरीरातील ब्लेड काढण्यासाठी सात डॉक्टरांच्या पथकाने तब्बल ३ तास शस्त्रक्रिया केल्यानंतर त्याचे प्राण बचावले.
ब्लेड गिळल्यानंतर तरुणाला उलट्या व्हायला लागल्याने त्याला रुग्णालयात दाखल करण्यात आले. रुग्णालयात तरुणाचे एक्सरे काढल्यानंतर डॉक्टरांना त्याच्या पोटात ब्लेड असल्याचे लक्षात आले, ज्यानंतर हे संपूर्ण प्रकरण उजेडात आले. डॉक्टरांनी या तरुणाची शस्त्रक्रिया करुन त्याच्या पोटातून तब्बल ५६ ब्लेड बाहेर काढले.
यशपालने कव्हरसह ब्लेडचे ३ पॅकेट गिळले होते. शिवाय त्याने हे कृत्य चिंता किंवा नैराश्यातून केल्याची शक्यता आहे. यशपालने ब्लेडचे २ भाग करुन ती कव्हरसह खाल्ली, ज्यामुळे ती त्याच्या शरीरात गेली. त्याने जर ब्लेड न मोडता खाल्ले असते तर ते घशातच अडकले असते, आत गेलेच नसते असंही डॉक्टर म्हणाले. या भयंकर घटनेने परिसरात खळबळ माजली आहे. (Latest Marathi New Update)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
