मुंबई ते दिल्लीदरम्यान आठवड्यातून दोन दिवस धावणारी प्रीमियम राजधानी एक्स्प्रेस आता चार दिवस धावणार आहे. या गाडीला मुंबईसह जळगाव आणि भोपाळ येथील प्रवाशांनी भरभरून प्रतिसाद दिल्याने मध्य रेल्वेने हा निर्णय घेतला आहे.
आठवड्यातून दोन दिवस ती धावत असे. मुंबई ते दिल्ली हे अंतर २० तासांत ही गाडी पार करीत असे. मात्र, पूल-पुश तंत्रज्ञानाचा वापर करण्यात आल्यानंतर हे अंतर १६ तासांवर आले होते. परिणामी कमी खर्चात आणि कमी वेळेत दिल्ली गाठणे मुंबईकरांना सहज शक्य झाले होते. याशिवाय नाशिक, जळगाव, भोपाळ येथूनही या गाडीला मोठा प्रतिसाद मिळाला होता. त्यामुळे या मार्गावर राजधानी एक्स्प्रेसच्या फेऱ्यांत वाढ होण्याची गरज निर्माण झाली होती. पश्चिम रेल्वेकडून नुकताच २० कोचचा रेक मध्य रेल्वेला उपलब्ध झाल्याने राजधानीच्या फेऱ्यांत वाढ होण्याचा मार्ग आता मोकळा झाला आहे.जानेवारी महिन्यापासून मुंबई ते दिल्लीदरम्यान राजधानी एक्स्प्रेस सुरू करण्यात आली होती.
मागणी असूनही फेऱ्या वाढविणे शक्य नव्हते. मात्र, आता दुसरा रेक उपलब्ध झाल्याने चार फेऱ्या करणे शक्य होणार आहे. पश्चिम रेल्वेकडून मिळालेल्या रेकमध्ये पूल-पुश तंत्रज्ञानाचा वापर करण्यासाठी आवश्यक बदल करण्याची प्रक्रिया मध्य रेल्वेकडून केली जाणार आहे. या कामास एक आठवड्याचा कालावधी लागणार असल्याने साधारणतः पंधरा दिवसांनंतर ही गाडी आठवड्यातून चार दिवस प्रवाशांना उपलब्ध होणार आहे.आतापर्यंत एकच रेक उपलब्ध असल्याने केवळ दोन फेऱ्या होऊ शकत होत्या.
Web Tittle:: Now the capital Express will run for four days
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.