पंढरपूर: 'शाळेतून काढून टाकायचे असल्यास बेशिस्तपणाचे आरोप मान्य करू; पण पहिलीचा विद्यार्थी शिक्षिकेशी अश्लील व लाजिरवाणे कृत्य कसा करू शकतो,' असा सवाल मुलाच्या वडिलांनी उपस्थित केला आहे. संबंधित विद्यार्थ्याला शिक्षणाच्या अधिकारांतर्गत (आरटीई) शाळेत प्रवेश देण्यात आला होता. त्याच्या पालकांची आर्थिक स्थिती हलाखीची असून, त्यांनी शाळेचे इतर शुल्कदेखील भरली आहे. तरीही गेल्या बुधवारी (११ सप्टेंबर) अचानक पालकांना शाळेत बोलावून मुलावरील आरोप असलेले पत्र त्यांच्या हाती सोपविण्यात आले. मुलाला शाळेतून काढून टाकल्याचाही उल्लेख पत्रात आहे.
इंग्रजी माध्यमाच्या एका खासगी शाळेने पहिलीतील विद्यार्थ्यावर खोडकरपणा, मुलींची छेडछाड आणि शिक्षिकेशी अश्लील व लाजिरवाणे कृत्य केल्याचा ठपका ठेवून त्याला शाळेतून काढून टाकले आहे. शाळेने निर्णयाचे समर्थन केले असून, पालकांत मात्र संतापाची लाट उसळली आहे.
'माझा मुलगा लहान असून, त्याच्यावर शाळेने केलेले आरोप धक्कादायक आहेत. मुलांच्या बौद्धिक आणि शारीरिक वाढीचा विचार न करता असे घाणेरडे आरोप करण्यात आले आहेत,' असे संबंधित विद्यार्थ्याच्या पालकांनी म्हटले आहे. 'शाळेची शिस्त कायम रहावी. इतर मुले बिघडू नयेत म्हणून, आम्ही हे पाऊल उचलले आहे,' असे समर्थन शाळेने केले आहे.
Web Title : obscenity charges on student of first grade
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.