कांद्याला 5100 रुपयांचा उच्चांकी भाव

कांद्याला 5100 रुपयांचा उच्चांकी भाव

लासलगाव - परराज्यातून कांद्याची मागणी वाढल्याने लासलगाव कृषी उत्पन्न बाजार समितीत उन्हाळा कांद्याला जास्तीत जास्त पाच हजार 100 रुपये प्रतिक्विंटल सरासरी चार हजार रुपये, तर कमीत कमी एक हजार 501 रुपये प्रतिक्विंटलला भाव मिळाल्याने बळिराजाच्या चेहऱ्यावर प्रदीर्घ कालावधीनंतर हास्य फुलले. बुधवारी सुमारे 11 हजार क्विंटल उन्हाळा कांद्याची आवक येथील बाजार समितीत लिलावासाठी झाली.

राज्यात अनेक भागांत अतिवृष्टीमुळे कांद्याची लागवड उशिराने झाली असल्याने नवा लाल कांदा येण्यास अजून दोन महिने वाट पाहावी लागणार आहे. त्यातच उन्हाळा कांद्याची आवक घटल्याने या आठवड्यात कांद्याच्या दरात सातत्याने वाढ होत आहे. त्यामुळे उन्हाळा कांद्याला लासलगाव कृषी उत्पन्न बाजार समितीत पाच हजार 100 रुपये प्रतिक्विंटल दर मिळाला आहे.

किरकोळ बाजारातसुद्धा कांद्याचे दर 70 ते 80 रुपये प्रतिकिलोपर्यंत वाढण्याची शक्‍यता आहे. राज्यातील बहुतांश भागात अतिवृष्टीमुळे कांद्याच्या पिकाचे मोठे नुकसान झाले आहे. बऱ्याच ठिकाणी कांदा भिजला. तर नव्या कांद्याची लागवडही होण्यास उशीर झाला. त्यामुळे कांदा बाजारात येण्यास किमान दोन महिन्यांचा कालावधी लागणार आहे. त्यामुळे शेतकरी चाळीत साठवलेला कांदा विक्रीस काढत आहेत. आवक कमी असल्याने दर वाढले आहेत.

Web Title: Onion rate 5100 rupees in lasalgav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com