Sonia Gandhi News: काँग्रेस नेत्या सोनिया गांधींची तब्येत बिघडली; गंगाराम रुग्णालयात दाखल

Sonia Gandhi Health: काँग्रेसच्या माजी अध्यक्षा सोनिया गांधी यांची तब्येत बिघडल्याने त्यांना रुग्णालयात दाखल करण्यात आलं आहे. दिल्लीतील गंगाराम रुग्णालयात त्यांच्यावर उपचार सुरु आहे. ताप आल्यानंतर त्यांना गुरुवारी रुग्णालयात दाखल करण्यात आलं आहे. तेथे त्यांना डॉक्टरांच्या देखरेखीखाली ठेवण्यात आले आहे.

गंगाराम रुग्णालयाने जारी केलेल्या हेल्थ बुलेटिननुसार, सोनिया गांधी यांच्यावर डॉ. अरुप बसू यांच्या देखरेखीखाली उपचार सुरू आहेत. त्यांना 2 मार्च म्हणजेच गुरुवारी ताप आल्याने येथे दाखल करण्यात आले आहे. त्यांना डॉक्टरांच्या देखरेखीखाली ठेवण्यात आले असून अनेक टेस्ट केल्या जात आहे. सध्या त्यांची प्रकृती स्थिर आहे. (Latest Marathi News)

सूत्रांच्या माहितीनुसार, मंगळवारपासून सोनिया गांधींची तब्येत बिघडली होती. त्यामुळेच राहुल गांधी आणि प्रियंका गांधी उत्तर प्रदेशात दाखल झालेल्या भारत जोडो यात्रेत सात किलोमीटर मागे मंगळवारी संध्याकाळी दिल्लीला परतले.