पाकिस्तानने हस्तक्षेप करण्याची गरज नाही- राहुल गांधी

'मोदी सरकारच्या अनेक निर्णयांशी मी असहमत आहे. मात्र जम्मू-काश्मीर हे भारताचे अंतर्गत प्रकरण आहे. यामध्ये पाकिस्तान आणि इतर देशांनी हस्तक्षेप करण्याची गरज नाही', असे राहुल गांधी यांनी ट्विटमध्ये म्हटले आहे.जम्मू-काश्मीरच्या मुद्द्यावरुन काँग्रेसचे नेते राहुल गांधी यांनी थेट पाकिस्तानला लक्ष्य केले आहे. ट्विट करत त्यांनी पाकिस्तानवर टीका केली आहे. 

जम्मू-काश्मीच्या मुद्द्यावरुन संतप्त होऊन राहुल गांधी यांनी पाकिस्तानला सुनावले आहे. पुढे त्यांनी असे म्हटले आहे की, 'जम्मू-काश्मीरमध्ये हिंसाचार होत आहे. कारण त्याठिकाणी जगभरात दहशतवादाचा प्रमुख समर्थक मानल्या जाणार्‍या पाकिस्तानकडून दहशतवादाला खतपाणी घातले जात आहे आणि त्याचे समर्थन सुध्दा केले जात आहे.

WebTittle :rahul gandhi says kashmir is india internal issue and there is no room for pakistan to interfere in it